ნარატივი იმის შესახებ, რომ ესტონეთი ევროპის ერთ-ერთი ყველაზე დაუცველი ქვეყანაა, არის „ფეიკ ნიუსი", - განაცხადა ესტონეთის საგარეო საქმეთა მინისტრმა, მარგუს ცაჰკნა DW-სთან ინტერვიუში.
„ჩვენ ზუსტად ვიცით, რა უნდა გავაკეთოთ. ჩვენ მზად ვართ რუსეთის შესაძლო შემოჭრისთვის და შეკავების დონე მართლაც მაღალია", - თქვა მან.
კითხვაზე იმის შესახებ, რომ ესტონეთი რუსეთის პოტენციური შეჭრის ერთ-ერთ პირველ სამიზნედ მიიჩნევა, ცაჰკნამ აღიარა, რომ „ეს ძალიან ლოგიკურია", თუკი უბრალოდ რუკას შევხედავთ.
„მაგრამ რეალურ ცხოვრებაში ჩვენ მნიშვნელოვნად ვზრდით ჩვენს შესაძლებლობებს. ვფიქრობ, ნატო იმაზე ძლიერია, ვიდრე ოდესმე. ჩვენ უკვე გვაქვს თავდაცვის ახალი გეგმები და ეს ნიშნავს, რომ ჩვენ უბრალოდ არ ველოდებით. თუ რუსეთი შემოიჭრება ჩვენს ტერიტორიაზე და დაიწყებს წინააღმდეგობას, ჩვენ ომს რუსეთის ტერიტორიაზე გადავიტანთ", - ხაზგასმით აღნიშნა ესტონეთის საგარეო უწყების ხელმძღვანელმა.