25 წლის მიხეილ ქავთარაძის მკვლელობის საქმეზე სამართალდამცავებმა კიდევ ერთი პირი, არასრულწლოვანი დააკავეს. აღნიშნული ინფორმაცია „ინტერპრესნიუსს“ დაკავებული არასრულწლოვანის ადვოკატმა დაუდასტურა. არასრულწლოვანს ბრალი სისხლის სამართლის კოდექსის 225-ე მუხლით აქვს წარდგენილი და ჯგუფურ ძალადობაში მონაწილეობას ედავებიან.
დაკავებულის მიმართ აღკვეთის ღონისძიების შეფარდებაზე თბილისის საქალაქო სასამართლოში ამ წუთებში მსჯელობენ.
ცნობისთვის, შემთხვევა თბილისში, ვარკეთილში, 2024 წლის 21 დეკემბერს მოხდა. ურთიერთშელაპარაკების შედეგად, 4 ადამიანი დაიჭრა, მიყენებული ჭრილობებით კი კლინიკაში მიყვანისთანავე 25 წლის მიხეილ ქავთარაძე გარდაიცვალა.
სამართალდამცავებმა განზრახ მკვლელობისა და სამი პირის მკვლელობის მცდელობის ბრალდებით თავდაპირველად ერთი პირი - დავით გოგიძე დააკავეს. მომხდარიდან გარკვეული პერიოდის შემდეგ კი, ორი სპეცრაზმელი და ერთი არასრულწლოვანი.