აზერბაიჯანის სახელმწიფო უსაფრთხოების სამსახურმა ირანის „ისლამური რევოლუციის გუშაგთა კორპუსის“ წევრები ქვეყნის ტერიტორიაზე სადაზვერვო მონაცემების შეგროვებასა და ტერორისტული აქტების მომზადებაში დაადანაშაულა.

უწყების განცხადებით, ირანული სპეცსამსახურების ინტერესის სფეროსა და პოტენციურ სამიზნეებს წარმოადგენდა: ბაქო-თბილისი-ჯეიჰანის ნავთობსადენი; აზერბაიჯანში ისრაელის საელჩო; ბაქოში მდებარე აშკენაზი ებრაელების სინაგოგა; ქვეყნის ერთ-ერთი ებრაული თემის ხელმძღვანელი.

აზერბაიჯანული სპეცსამსახურების ინფორმაციით, ქვეყნის ტერიტორიაზე შემოტანილი იყო სამი ასაფეთქებელი მოწყობილობა, რომელთა გაუვნებელყოფა უკვე მოხდა.

ოპერატიული ღონისძიებების შედეგად, „ისლამური რევოლუციის გუშაგთა კორპუსთან“ თანამშრომლობის ბრალდებით რვა პირია დაკავებული.