ირანელმა მაღალჩინოსანმა „სიენენ“-ს განუცხადა, რომ პრეზიდენტ დონალდ ტრამპის გაფრთხილების საპასუხოდ, ირანი თავდასხმისთვის აშშ-ის ახალ ობიექტებს ეძებს.

მას შემდეგ, რაც ტრამპმა განაცხადა, რომ აშშ ირანში „სრული განადგურებისა და გარდაუვალი სიკვდილის“ ახალ სამიზნეებს განიხილავდა, ოფიციალურმა პირმა განაცხადა, რომ აშშ ხაზგასმით „იმუქრება ირანელი ხალხის წინააღმდეგ ომის გაფართოებით და მათი პირდაპირი მოკვლით“.

„მუქარის გამო, ისლამური რესპუბლიკა აცხადებს, რომ სერიოზულად შეისწავლის ამერიკის იმ რეგიონებს, ძალებსა და ფილიალებს, რომლებიც ჯერ არ შედიან ირანის შეიარაღებული ძალების სამიზნეთა სიაში და მტრის მხრიდან დაუფიქრებელი ქმედებების შემთხვევაში, მათ წინააღმდეგ ზომებს მიიღებენ“, - განაცხადა ოფიციალურმა პირმა.

„სიენენ“-ის ცნობით, ირანის ოფიციალურ წარმომადგენელს არ მიუწოდებია ინფორმაცია და არც იმის შესახებ მიუთითა, თუ როდის შეიძლება დაიწყოს თავდასხმები სამიზნეების გაფართოებულ სიაზე.