აჭარის საზოგადოებრივი მაუწყებელი ხვალიდან სპეციალურ სამუშაო რეჟიმზე გადადის. უსაფრთხოების მიზეზით ტელევიზიის შენობა პერსონალისგან დაიცლება, ხოლო საინფორმაციო გამოშვების გარდა,  გადაცემები დროებით შეჩერდება. მიზეზი ტელევიზიის შენობა, უსაფრთხოება და რეორგანიზაციაა.

„ხვალიდან დაიჯესტის სახით ვიმაუწყებლებთ, მათ შორის გადაცემა „თავისუფალი სივრცეც“ დროებით აჩერებს მაუწყებლობას, ახალი ამბების მიმართულებით სოციალური ქსელი და ვები რამდენადაც გამართულად შეძლებს მუშაობას, იმუშავებს“, - ამის შესახებ საზოგადოებრივი მაუწყებლის აჭარის ტელევიზიისა და რადიოს ახალი ამბების სამსახურის უფროსმა, ნაზი ქობულაძემ გადაცემა „ვახო ხუზმიაშვილის თავისუფალ სივრცეში“ განაცხადა.