მისი მიზანი არის კარგად იყოს რეგულირებული საქართველოში მიგრაციული პროცესები, რომ არ მივიღოთ ისეთი სურათი, როდესაც მიგრაცია იღებს უკანონო, უკონტროლო ხასიათს, - განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა „ქრონიკასთან“.

დეპუტატი გამოეხმაურა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილებებს.

„მთელი რიგი საკანონმდებლო ცვლილებები განხორციელდა. მისი მიზანი არის კარგად იყოს რეგულირებული საქართველოში მიგრაციული პროცესები, რომ არ მივიღოთ ისეთი სურათი, როდესაც მიგრაცია იღებს უკანონო, უკონტროლო ხასიათს, ხდება შემდგომ პრობლემა ქვეყნისა და საზოგადოებისათვის“, - აღნიშნა ქადაგიშვილმა.