დოკუმენტური ფილმი პალიმპიურ მოძრაობაზე სინამდვილეში არის ფილმი გამარჯვებების ისტორიაზე, - განაცხადა გადაცემაში „იმედის კვირა" პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა.
მისივე თქმით, განსაკუთრებით მნიშვნელოვანია, რომ მისი გადაღება შესაძლებელი გახდა ბიძინა ივანიშვილისა და მისი ოჯახის, ფონდი „ქართუს" ქველმოქმედების შედეგად.
„დარწმუნებული ვარ, რომ ეს მხარდაჭერა განვითარების სხვა ეტაპზე აიყვანს მთლიანად პარლიმპიურ მოძრაობას და ჩვენს პარაათლეტლებს, რაც კონკრეტულ შედეგებში ძალიან მალე აისახება", - აღნიშნა რატი იონათამიშვილმა.
„განუსაზღვრელი შესაძლებლობები", - ასე ჰქვია პარალიმპიელთა შესახებ ფონდ „ქართუსა" და ბიძინა ივანიშვილის მხარდაჭერით მომზადებულ დოკუმენტურ ფილმს, რომლის პრეზენტაციაც დღეს გაიმართა.