პარლამენტის იურიდიულ საკითხთა კომიტეტის თავმჯდომარის არჩილ გორდულაძის განცხადებით, ვინც არ უნდა იყოს „ნაციონალური მოძრაობის“ თავმჯდომარე, ამ პარტიაში არაფერი შეიცვლება.

გორდულაძის თქმით, „ნაციონალური მოძრაობა“ არის გაკოტრებული პარტია.

„კოლექტიურმა „ნაცმოძრაობამ“ და მისმა ბელადმა გინდ გაიტანონ და გინდ შემოიტანონ გაკოტრებული ე.წ. პარტია. ვინც არ უნდა იყოს თავმჯდომარე, მათთვის არაფერი შეიცვლება, ეს ადამიანები არ შეიცვლიან თავიანთ ნირს, რომელიც ამ ქვეყნის წინააღმდეგ ბრძოლაშია გამოხატული. ახლა როგორი რეანიმაციული, პოლიტიკური ღონისძიებებიც არ უნდა ჩაატარონ, ამ პარტიას არაფერი ეშველება, რადგან სისტემური, მწამებლური რეჟიმი შექმნეს“, – აღნიშნა არჩილ გორდულაძემ.