საქართველოს გარეშე შავ ზღვაზე გასასვლელი სამიტის ჩატარება და შემდეგ პროექტების განხორციელება ორი ვარიანტით არის შესაძლებელი: რუკა არ იციან ან მიზანად აქვთ, მოახდინონ ქართულ საზოგადოებაზე ზეწოლა და აგენტების აქტუალიზაცია, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.
მისი თქმით, ევროპულ ბიუროკრატიაში არც პოლიტიკოსი და არც ადამიანი არსებობს, რომელსაც გონი მოეკითხება.
„საქართველოს გარეშე შავ ზღვაზე გასასვლელი სამიტის ჩატარება და შემდეგ პროექტების განხორციელება ორი ვარიანტით არის შესაძლებელი: რუკა არ იციან, ან მიზანად აქვთ, მოახდინონ ქართულ საზოგადოებაზე ზეწოლა და აგენტების აქტუალიზაცია. ამ ორიდან რომელია, საზოგადოებამ აირჩიოს, მაგრამ მგონია, ორივე ერთადაა. ევროპულ ბიუროკრატიაში არც პოლიტიკოსი და არც ადამიანი არსებობს, რომელსაც გონი მოეკითხება, წინააღმდეგ შემთხვევაში იმ ნაბიჯებს არ გადადგამენ, რომელსაც ევროკავშირის ქვეყნების ეკონომიკა კრახისკენ მიჰყავს. ამ დროს ჩვენ მოგვიწოდებენ, ყველაფერი ისე გავაკეთოთ, ჩვენი ხალხიც ამ მდგომარეობაში აღმოჩნდეს“, – განაცხადა არჩილ გორდულაძემ.