ალეკო ელისაშვილმა ყველაფერი გააკეთა თვითდისკრედიტაციისთვის და ყველაფერი გააკეთა იმისთვის, რომ ამ მძიმე ბრალდებით წასულიყო პატიმრობაში, - განუცხადა ჟურნალისტებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ ირაკლი ქადაგიშვილმა.
ქადაგიშვილის თქმით, არანაირი სიტყვის მიშველება ელისაშვილის ამ მდგომარეობას აღარ სჭირდება.
„ალეკო ელისაშვილმა ყველაფერი გააკეთა თვითდისკრედიტაციისთვის და ყველაფერი გააკეთა იმისთვის, რომ ამ მძიმე ბრალდებით წასულიყო პატიმრობაში. თავისთავს მოჰკითხონ, ადვოკატიან მხარდამჭერიანად ის, რაც მთელა ქვეყანამ იხილა პირდაპირ ეთერში. ის განცხადებები, რაც მან დაკავების შემდეგ გააკეთა და რასაც სასამართლო პროცესზე ამბობდა. არ ვიცი, ვისი დისკრედიტაცია სჭირდება. არანაირი სიტყვის მიშველება ელისაშვილის ამ მდგომარეობას ჩემგან აღარ სჭირდება ნამდვილად“, - აღნიშნა მან.
ადვოკატი გიორგი რეხვიაშვილი, რომელიც 2025 წლის თვითმმართველობის არჩევნებზე „ძლიერი საქართველო ლელოს“ კანდიდატი იყო გლდანის რაიონში, შალვა პაპუაშვილს ალეკო ელისაშვილის დისკრედიტაციაში ადანაშაულებს. პარლამენტის თავმჯდომარე კი მას ელისაშვილის ბრალზე მიუთითებს და ამბობს, რომ ადვოკატი მანიპულირებს.