რეზონანსი
18.09.2020

კრიზისთან გამკლავებაზე როდესაც ვსაუბრობთ, თავი ისე ნუ მოგაქვთ, თითქოს, ჩვენზე უპირატესი რეცეპტი გაქვთ, 2008 წლის აგვისტოში თქვენი პოლიტიკური ძალის ლიდერებიდან ზოგი რომელ საზღვარზე გარბოდა, ზოგი - რომელზე, რომ ქვეყანა დაეტოვებინათ, - ამ სიტყვებით ეკონომიკისა და მდგრადი განვითარების მინისტრმა, ნათია თურნავამ ოპოზიციის წარმომადგენლებს პარლამენტის პლენარულ სხდომაზე მიმართა, სადაც მისი ინტერპელაციის წესით მოსმენა მიმდინარეობს.

მინისტრის განცხადებით, წინა ხელისუფლების წარმომადგენლებს კრიზისის მართვის არავითარი პოზიტიური გამოცდილება არ აქვთ.

„როდესაც კრიზისთან გამკლავებაზე ვსაუბრობთ, თავი ისე ნუ მოგაქვთ, რომ ჩვენთან შედარებით, თქვენ კრიზისის მართვის უპირატესი რეცეპტი გაქვთ. ძალიან მტკივა ხოლმე ამ ფაქტის გამეორება, მაგრამ როგორც ჩანს, საჭიროა. თქვენი მართული კრიზისი ჩვენ ვნახეთ 2008 წლის აგვისტოში, როდესაც მაშინდელი ხელისუფლების წარმომადგენლები, დღევანდელი თქვენი და თქვენი მეგობარი პოლიტიკური ძალის ლიდერები, ქვეყნის დასატოვებლად ზოგი რომელ საზღვარზე გარბოდა და ზოგი - რომელზე. კიდევ ერთი ფაქტის თქმა მინდოდა, მაგრამ ძალიან მტკივნეულად იღებს ამას ბატონი გიგა ბოკერია. კიდევ ერთხელ შეგახსენებთ, რომ თქვენი ერთ-ერთი დღევანდელი პოლიტიკური ლიდერი, მაშინდელი პარლამენტის თავმჯდომარე, მოგვიწოდებდა თუ არა ქართველ ხალხს, რომ დანა - ჩანგლით შეიარაღებულები შეხვედროდნენ მტერს?! ანუ მაშინ ხელისუფლება ბედის ანაბარა დატოვეთ და ახლა ჭკუას გვარიგებთ, როგორ ვმართოთ კრიზისები. თქვენ არც ხალხთან და არც ჩვენთან კრიზისების მართვის არავითარი პოზიტიური გამოცდილება გასაზიარებელი არ გაქვთ. აქედან გამომდინარე, ამ მიმართულებით ჭკუის დარიგება თქვენგან არის მიუღებელი", - განაცხადა ნათია თურნავამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (1)
ჩაწერა სახელი
ИНЦИТАТУС   (18.09.2020)
Гатахсиребуло фтирофаго! Ертхел маинц даасахелет ромелиме имбецилма вин гарбода, сад гарбода ра гваребис ариан. Убедурбеа имашиа ром вер чамотвли,магис уканали ара гаквс да ту гаквс исиц мхолод туалетиствис гчирдеба, аккролебуло виртха. Тфу шен!


Copyright © 2006-2020 by Resonance ltd. . All rights reserved
×