სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    13.11.2019

      „კანონპროექტი ჩემთვის წითელი ხაზია, თუ უმრავლესობა მას მხარს დაუჭერს, მე დავტოვებ უმრავლესობას", - ეს განცხადება სიღნაღისა და დედოფლისწყაროს მაჟორიტარმა დეპუტატმა ირაკლი შიოლაშვილმა „ქართული ოცნების" ოფისში გამართული უმრავლესობის სხდომის შემდეგ ჟურნალისტებთან გააკეთა. მისივე ინფორმაციით, მაჟორიტარ დეპუტატებს სურდათ საკითხი სხდომაზე სარეიტინგო კენჭისყრაზე გასულიყო, თუმცა ბიძინა ივანიშვილმა მათ ამის საშუალება არ მისცათ.

    „ჩვენ ჩვენი პოზიცია ნათლად დავაფიქსირეთ უმრავლესობის სხდომაზე, იმ რისკების თაობაზე ვისაუბრეთ, რომელიც შესაძლოა მომავალში ქვეყანას დაუდგეს - საუბარია 2020 წლიდან 2024 წლამდე. აბსოლუტურად ღია იყო საუბარია, არ დაგიმალავთ რომ საკმაოდ მძიმე შეხვედრა იყო. ჩვენ ვითხოვდით, რომ სარეიტინგო კენჭისყრაზე დამდგარიყო ეს საკითხი და უმრავლეობას აქვე გამოეხატა თავის პოზიცია, მაგრამ პარტიის თავმჯდომარემ არ მოგვცა ამის საშუალება, რაც შეეხება ჩვენს მომავალ სამოქმედო გეგმას, ჩვენ აქედან გადავინაცვლებთ პარლამენტში და ამ რეჟიმში ჩვენ გავაგრძელებთ ჩვენს კოლეგებთან მუშაობას. მე თავიდანვე ვთქვი და ჩვენი პოზიცია არის, რომ მხარს არ ვუჭერთ ამ პროექტს და ნათლად მიგვაჩნია, რომ ეს პროექტი ქვეყანას დააყენებს ძალიან დიდი რისკის ქვეშ. ეს არის ჩემთვის პრინციპული საკითხი, ეს არ არის კონკრეტულ სოციუმზე გათვლილი კანონპროექტი, ეს არის მთელ ქვეყანაზე გათვლილი, მთელი ჩვენი მომავლის განმსაზღვრელი კანონპროექტი, თუ როგორ უნდ იცხოვროს ჩვენმა სახელმწიფომ, როგორი სტაბილური იქნება ქვეყანა. ამიტომ ეს კანონპროექტი ჩემთვის წითელი ხაზია, თუ უმრავლესობა დაუჭერს მხარს მას, მე დავტოვებ უმრავლესობას", - განაცხადა ირაკლი შიოლაშვილმა.

    წყარო: ინტერპრესნიუსი

     

     

    ლიცენზია
    დატოვე კომენტარიკომენტარები (2)
    ჩაწერა სახელი
    ლინდა   (13.11.2019)
    ქ-ო ლელა (ჯიბღაშვილს) ნამდვილად მიხარია, რომ თქვენც აგეხილათ მესამე თვალი და კარგად დაინახეთ ამ ფულზე გაყიდული არსებების სახე.

    ლინდა   (13.11.2019)
    საწყალი, კუმ ფეხი გამოყო, მეც ნახირ-ნახირაო. რას ვაჟკაცობს ეს უგვანო გაზულუქებული მათხოვარი!


    Copyright © 2006-2019 by Resonance ltd. . All rights reserved
    ×