რეზონანსი
07.12.2019

(რეზონანსი) „ერთიანი საქართველო-დემოკრატიული მოძრაობის" ლიდერი ნინო ბურჯანაძე განმარტავს, რუსეთში ვიზიტის დროს მოიხადა თუ არა ბოდიში 20-21 ივნისში განვითარებული მოვლენების გამო.

ბურჯანაძის თქმით, მან მწუხარება გამოთქვა აღნიშნულ მოვლენებთან და პროტესტის გამოხატვის ფორმებთან დაკავშირებით.

"სამწუხაროა, რომ სტუმარს ორი წელი ეხვეწები ჩამოდიო და მერე შენივე უტვინობის გამო ისეთი ვითარება იქმნება ქვეყანაში, რომელსაც ელემენტარულად ვერ ალაგებ და ვერ უხსნი საზოგადოებას და ვერ უხდი ბოდიშს ამისთვის. სამწუხაროა ის, რაც ამას მოჰყვა. თუმცა პოლიტიკურად მოჰყვა ის პოზიტივი, რომ ახალგაზრდების წყალობით ჩვენ მოვიპოვეთ პროპორციული არჩევნების შესაძლებლობა. მაგრამ რა თქმა უნდა სამწუხაროა, იქ ადამაინებმა თვალი დაკარგეს.

ბოდიში არ მომიხდია, ეს იყო წუხილი იმასთან დაკავშირებით, რაც მოჰყვა ამ პროცესებს, კონკრეტულად აქციის დარბევასთან დაკავშირებით, ასევე პროტესტის გამოხატვის იმ უკიდურესად უზრდელურ ფორმასთან დაკავშირებით, რომელიც ზოგიერთმა კონკრეტულმა ადამიანმა გამოხატა და ქართველებს ეს ნამდვილად არ ეკადრება ," - აღნიშნა ბურჯანაძემ მოსკოვიდან დაბრუნების შემდეგ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×