2010 წლის 15 ივლისს სსიპ "საზოგადოებრივ მაუწყებელსა" და შპს "ქეი 1"-ს შორის გაფორმდა ხელშეკრულება, რომლის საფუძველზეც საზოგადოებრივი მაუწყებლის მესამე არხის, "პირველი კავკასიურის" ფუნქციობისათვის მთავრობის სარეზერვო ფონდიდან 13 919 490 ლარი გამოიყო და "პირველი კავკასიური" სამართავად შპს "ქეი 1"-ს გადაეცა.

ჟურნალისტთა ეთიკის საბჭოში რიგით მე-4 სარჩელი ჟურნალ "ლიბერალის" წინააღმდეგ შევიდა. კერძოდ "ლიბერალს" ივანე ჯავახიშვილის სახ. სახელმწიფო უნივერსი-ტეტის პირველი 1 კურსის სტუდენტი თორნიკე თევზაძე უჩივის. საქმე ეხება "ლიბერალის" 2010 წლის 30 მაისის ნომერში დაბეჭდილ სტატიას, რომელიც სოზარ სუბარს ეკუთვნოდა. ქარტიის საბჭო საჩივრის დასაშვებობის საკითხს ოთხშაბათს გახდის საჯაროს. როგორც "რეზონანსს" ეთიკის საბჭოს თავმჯდომარე ეთერ თურაძემ განუცხადა, სავარაუდოდ, საჩივარს წარმოებაში მიიღებენ.

  27 ივლისს საქართველოს ახლგაზრდა იურისტთა ასოციაციამ მედიის სამართლებრივი დაცვის პროექტის ფარგლებში, რომელიც ევრაზიის ფონდის დახმარებით ფუნქციონირებს, ჟურნალისტებთან სამუშაო შეხვედრა გამართა. შეხვედრის მიზანი საკანონმდებლო ხარვეზების იდენტიფიცირება იყო, კერძოდ, იმ ხარვეზების, რომლებიც საქართველოში მომუშავე ჟურნალისტებს ყველაზე მეტად უშლის ხელს ეფექტურად მუშაობაში და რომელთა აღმოფხვრა შესაძლებელია საკანონმდებლო ცვლილებების განხორციელების შედეგად. შეხვედრაზე 8 ასეთი ძირითადი პრობლემა გამოიკვეთა, რომელთა შესაცვლელადაც სექტემბრიდან საიას იურისტები იმუშავებენ.

  საქართველოს პრეზიდენტმა მიხეილ სააკაშვილმა გუშინ თავდაცვის სამინისტროში სტუმრობისას გაზეთები "ალია" და "ასავალ-დასავალი" "ათასგვარ სიბინძურეს" შეადარა. შეგახსენებთ, რომ ეს პირველი შემთხვევა არ არის, როდესაც პრეზიდენტი მედიას უარყოფით კონტექსტში მოიხსენიებს. აღნიშნული გაზეთის წარმომადგენლები პრეზიდენტის ამ განცხადებას სავარაუდოდ საკუთარი გაზეთებიდან უპასუხებენ. საიას იურისტის განცხდებით კი, ამ განცხადების გამო ორივე გაზეთს შეუძლია პრეზიდენტს საქმიანი რეპუტაციის შელახვისთვის და ასევე თავისუფალ მედიაზე ზეწოლის მუხლით უჩივლოს სასამართლოში.

  დღეს 27 ივლისს 12 საათზე საქართველოს ახალგაზრდა იურისტთა ასოციაციის ცენტრალურ ოფისში ჟურნალისტებთან სამუშაო შეხვედრა გაიმართება. აღნიშნული შეხვედრის მიზანია იმ საკანონმდებლო ხარვეზების იდენტიფიცირება, რომლებიც საქართველოში მომუშავე ჟურნალისტებს ყველაზე მეტად უშლის ხელს ეფექტურ საქმიანობაში და რომელთა აღმოფხვრა შესაძლებელია საკანონმდებლო ცვლილებების განხორციელების შედეგად. შეხვედრა ევრაზიის ფონდის დახმარებით, საიაში არსებულ მედიის სამართლებრივი დაცვის ცენტრის ორგანიზებით ხორციელდება, რომელსაც 40-მდე მედიაორგანიზაციის წარმომადგენელი დაესწრება.

  გუშინ ტელეკომპანია "კავკასიაში" მომხდარ ინციდენტთან დაკავშირებით დაკავებული 8 პირის სასამართლო პროცესი თბილისის საქალაქო სასამართლოში განახლდა. პროცესზე 6 მოწმე დაიკითხა, მომდევნო განხილვა კი დღეს 2 საათზე და 23 ივლისს 11 საათზე მოხდება.

  ეთიკის საბჭოს სამმა წევრმა გაზეთ "თავისუფალი სიტყვის" რედაქტორის ელისო ჯანაშიას საჩივარი წარმოებაში მიიღო. კერძოდ, ჯანაშია რეგიონალური ტელევიზიის "მეცხრე ტალღის" სამ ჟურნალისტს უჩივის. საჩივრის დასაშვებობა ამჯერად საბჭოს სამმა წევრმა - ირაკლი აბსანძემ, მერაბ მერკვილაძემ და ლიკა ჩახუნაშვილმა განიხილეს და მიიჩნიეს, რომ საჩივარი საფუძვლიანია და განხილვას ექვემდებარება.

  საზოგადოებრივი მაუწყებლის მესამე არხის, "პირველი კავკასიურის" ფუნქციობისათვის მთავრობის სარეზერვო ფონდიდან 7 მილიონი ლარი გამოიყო და სამართავად შპს "ქეი 1"-ს გადაეცა. მაუწყებლის სამეურვეო საბჭოს წევრები აცხადებენ, რომ გადაწყვეტილების მიღება ფორსმაჟორულ სიტუაციაში მოხდა, მათ პრაქტიკულად დროც კი არ მიეცათ იმისათვის, რომ გადაწყვეტილება გაეანალიზებინათ, შესაბამისად, მათთვისაც და საზოგადოებისთვისაც პასუხგაუცემელი დარჩა კითხვები, იქმნება თუ არა დამატებითი ბნელი ფინანსური ხვრელი? რამდენად მიზანშეწონილია ეს გადაწყვეტილება მთლიანად ქვეყნის იმიჯისთვის? გავრცელდება თუ არა საზოგადოებრივი მაუწყებლის პრიორიტეტები ახალ არხზე და ა.შ

  სამოქალაქო განვითარების ინსტიტუტის ორგანიზებით 17-18 ივლისს ორდღიანი სამუშაო შეხვედრა გაიმართა, რომელსაც სხვადასხვა მედიასაშუალებიდან მიწვეული ჟურნალისტები დაესწრნენ.

  რეგიონალური გაზეთ "თავისუფალი სიტყვის" რედაქტორი ეთიკის საბჭოში ასევე რეგიონალური ტელევიზიის "მეცხრე ტალღის" სამ ჟურნალისტს უჩივის. კერძოდ, ელისო ჯანაშია ჟურნალისტებს: ლანა სალაყაიას, სოფო ჭულუხაძეხს და ამავე არხის საინფორმაციო სამსახურის უფროს, თეა აბსარიძეს ეთიკის ქარტიის 4 პუნქტის დარღვევაში ადანაშუალებს, კერძოდ, 1, 2, 3 და მე-11 მუხლების დარღევაში სდებს ბრალს.

  ტელეკომპანია "მაესტრო" ჟურნალისტებმა ნინო ჟიჟილაშვილმა და ნათია გამცემლიძემ დატოვეს. არხიდან წასვლის მიზეზი ტელეკომპანიის ხელმძღვანელობასთან შეუთანხმებლობა გახდა. კერძოდ, "მაესტროს" გენდირექტორმა კახა ბექაურმა გადაცემა "პოლიტმეტრის" წამყვან ნინო ჟიჟილაშვილს საავტორო გადაცემაში ჩანაწერის გაშვებაზე უარი უთხრა, რაც, ჟიჟილაშვილის აზრით, მის სარედაქციო დამოუკიდებლობაში ჩარევას ნიშნავს. საქმე ეხება საგარეო საქმეთა მინისტრის მოადგილესთან, გიგა ბოკერიასთან ინტერვიუს ჩაწერას, რაზეც ბექაურმა უარი განაცხადა.

  12 ივლისს სასტუმრო "ამბასადორში" ევროსაბჭოს საპარლამენტო ასამბლეის მონიტორინგის კომიტეტის მომხსენებლებისა და ქართული მედიასაშუალებების წარმომადგენლების შეხვედრა გაიმართა. კერძოდ, შეხვედრა მონიტორინგის კომიტეტის მომხსენებლებთან - კასტრიოტ ისლამთან და მაიკლ იენსენთან შედგა. მედიის წარმომადგენლებმა ევროსაბჭოს მომხსენებლებს ტელევიზიასა და პრესაში არსებული პრობლემები გააცნეს.