„ნაციონალური მოძრაობის“ თავმჯდომარის, ნიკა მელიას ციხეში რჩება. თვის ბოლოსთვის მმართველი პარტიისა და ოპოზიციის მოლაპარაკების მორიგი რაუნდია  დაანონსებული და შესაძლოა სასამართლოს მიერ სამშაბათს მიღებულმა გადაწყვეტილება ამაზე გავლენა მოახდინოს. ანალიტიკოსთა ნაწილი მიიჩნევს, რომ მელიას გათავისუფლება მმართველი პარტიის მხრიდან კომპრომისულ ნაბიჯად იქნებოდა აღქმული და ეს ხელს შეუწყობდა მხარეთა პოზიციების დაახლოებას. მეორე ნაწილი კი საპირისპირო აზრზეა, რადგანაც, მათი შეფასებით, ოპოზიციას შეთანხმება არცერთ შემთხვევაში არ სურს.

პანდემიამ საქართველოში მცირე და საშუალო ბიზნესს დიდი პრობლემა შეუქმნა. დარგი, რომელიც ეკონომიკის მამოძრავებელი ძალაა დღითი დღე იძირება. ამ დროს ხელისუფლება შეზღუდვების მესამე ტალღაზე საუბარს ყოველდღე უმატებს. ფაქტია, ქვეყანაში არანაირი ნიშანი არ ჩანს იმისა, რომ მდგომარეობა გამოსწორდება და ეკონომიკა გამოცოცხლებას დაიწყებს. ტენდენცია თუ ასე გაგრძელდება და ახალი შეზღუდვები დაწესდება, ბიზნესი საბოლოოდ დასამარდება.

საავადმყოფოები მზად არიან ინფიცირებულთა მზარდი რაოდენობის მისაღებად. საკოორდინაციო საბჭო ახალი შეზღუდვების შემოღებას ჯერ არ გეგმავს, თუმცა საბჭოს წევრები მიანიშნებენ, რომ შესაძლო შეზღუდვები პირველ რიგში მობილების შემცირებისკენ იქნება მიმართული და მუნიციპალურ და საქალაქთაშორისო ტრანსპორტს შეეხება. სამშაბათს ინფიცირების ახალი შემთხვევების რაოდენობის ნახტომისებური ზრდის გარდა, განსაკუთრებულ შეშფოთებას ის იწვევს, რომ ახალი შემთხვევების ნახევარზე მეტი კორონავირუსის ე.წ. ბრიტანულ შტამს უკავშრდება, რომელიც ჩვეულებრივ კორონავირუსზე უფრო მეტად გადამდებია.

ცნობილი ქართველი მეცნიერი, აკადემიკოსი თემურ ნანეიშვილი „ნამახვანჰესის“ მშენებლობის მოწინააღმდეგეების აქციას ეხმაურება. მისი აზრით, რიონის ხეობაში მიმდინარე აქციებში პოლიტიკოსების ჩართულობა გარკვეულ ეჭვებს აჩენს, თუმცა, ამის მიუხედავად, შექმნილ სიტუაციაში ოპტიმალური გამოსავალი ხელშეკრულების გადახედვა იქნება.

მსხვილმა ექსპორტიორებმა რუსული ხორბლის შეძენა შეწყვიტეს. მიზეზი საბაჟო გადასახადის 50 ევრომდე გაძვირებაა, რომელიც 1-ლი მარტიდან ძალაში შევიდა. ამის გამო რუსული მარცვლეულის შეძენას ბევრი მსხვილი ექსპორტიორი გამოეთიშა, რადგან ამ ქვეყანის პროდუქტი უკვე არაკონკურენტუნარიანია. რა მოჰყვება ასეთ ნაბიჯებს ახლო მომავალში?

სამსარის კლდეში ნაკვეთი სამონასტრო კომპლექსი, რომელიც ჯავახეთში მდებარეობს, მე-9 საუკუნით თარიღდება. სამონასტრო კომპლექსში შედიოდა დიდი გუმბათიანი ეკლესია და ორ-სამ რიგად ტერასულად გამოკვეთილი გამოქვაბულები.

აცრის შემდეგ გარდაცვლილი მედდის, 28 წლის  მეგი ბაქრაძის ოჯახის ადვოკატები საქმეში ახალ გარემოებებზე საუბრობენ და ამბობენ, რომ მედდა მე-10 ადამიანი არ ყოფილა, რომელიც აიცრა. მათი თქმით, მაშინ ფლაკონი ცარიელი უნდა ყოფილიყო, თუმცა კადრებში კარგად ჩანს, რომ ის თითქმის სავსეა. როდესაც „ასტრაზენეკას“ ერთი ფლაკონი  იხსნება, მასში 10 ადამიანის დოზაა. ამიტომ მათ ეჭვი აქვთ, რომ პირველი მეგი ბაქრაძე აცრეს. 

დე ფაქტო აფხაზეთში პესნიებს ვეღარ არიგებენ. მარტის თვეში ოკუპირებულ რეგიონში მცხოვრები პირების პენსიების გადახდის დავალიანების მოცულობა 65 მილიონი რუბლია (დაახლოებით 2.6 მილიონი ლარი) - ამის შესახებ დე ფაქტო ფინანსთა მინისტრმა და ვიცე-პრემიერმა ვლადიმერ დელბამ „პრემიერ-მინისტრ" ალექსანდრე ანქვაბთან სამუშაო შეხვედრისას განახადა.

„ქართული ოცნებისა“ და ოპოზიციის მოლაპარაკების მორიგი, შესაძლოა გადამწყვეტი რაუნდის წინ მმართველი პარტიის თავმჯდომარის, ირაკლი კობახიძის აშშ-ში ვიზიტის დაგეგმვა სპონტანურად არ მომხდარა. პარლამენტარ ლადო კახაძის თქმით, კობახიძე აშშ-ში სამუშაო ვიზიტით გაემგზავრა და ეს დიდ ხნის წინ იყო დაგეგმილი.

აჭარის უმაღლეს საბჭოში „ნაციონალური მოძრაობის" ექვსი დეპუტატის სადეპუტატო უფლებამოსილების შეწყვეტის საკითხზე გადაწყვეტილება მომდევნო სხდომაზე გახდება ცნობილი. ხომ არ ნიშნავს აჭარის უმაღლეს საბჭოში დაანონსებული კენჭისყრა იმას, რომ მმართველმა პარტიამ ამ საკითხზე მიდგომა შეცვალა და ბათუმის შემდეგ ანალოგიურ საკითხს თბილიში, ქვეყნის მთავარ საკანონმდებლო ორგმოშიც განიხილავენ?

არაღიარებული მთიანი ყარაბაღის ეროვნულმა კრებამ კანონპროექტი შეიმუშავა, რომელიც რუსულს, სომხურთან ერთად, ოფიციალური ენის სტატუსს ანიჭებს.  სეპარატისტული რეგიონის საკანონმდებლო ორგანომ კანონპროექტი უკვე დაამტკიცა.  ინიციატივას 27-მა პარლამენტარმა დაუჭირა მხარი, 2-მა დეპუტატმა თავი შეიკავა, წინააღმდეგი არავინ ყოფილა.

იუსტიციის სამინისტრო სავარაუდოდ არ ჩამოართმევს საქართველოს მოქალაქეობას იუსტიციის ყოფილ მინისტრ ზურაბ ადეიშვილს, რადგან იგი 4 საქმეში საქართველოს სასამართლომ დამნაშავედ სცნო და პატიმრობა მიუსაჯა, 3 საქმეზე კი სასამართლოს განხილვა ახლაც მიმდინარეობს. ამის შესახებ „რეზონანსს“ ანალიტიკოსმა რამაზ საყვარელიძემ განუცხადა, რომელიც იმის სავარაუდო მიზეზებზეც საუბრობს, თუ რატომ მოითხოვა ადეიშვილმა საქართველოს მოქალაქეობის შეჩერება.