წელს ზაფხულში დაგეგმილ ევროპარლამენტის არჩევნების შედეგებს მნიშვნელოვანი გავლენა ექნება არა მხოლოდ საქართველოს ევროინტეგრაციის პროცესზე, არამედ თავად ევროკავშირის მომავალზეც. მითუმეტეს, რომ არჩევნების შედეგად თავად ევროპარლამენტში პოლიტიკური ძალების კონფიგურაციის ცვლილების გარდა, სავარაუდოდ ასევე შეიცვლება ევროსაბჭოსა და ევროკომისიის ხელმძღვანელობაც. ამის შესახებ „რეზონანსთან" ანალიტიკოსები საუბრობენ და შესაძლო სცენარებსაც განიხილავენ.

რას აპირებს პოლიტიკაში ბიძინა ივანიშვილის დაბრუნების შემდეგ ოპოზიცია და არსებობს თუ არა იმის ალბათობა, რომ ოპოზიციურ ფლანგზე დიდი გადაჯგუფება ვიხილოთ? ანალიტიკოსები აზრით, თუკი ოპოზიცია უკვე თებერვალში არ დაიწყებს იმაზე ფიქრს, თუ რა სახით და მოცემულობით უნდა გავიდნენ 2024 წლის არჩევნებისთვის, შედეგი მათთვის სავალალო იქნება. ახლანდელი პოლიტიკური მოცემულობით, „ქართულ ოცნებას“ კვლავ აქვს შანსი, რომ პარლამენტშ ადგილების უმრავლესობა მიიღოს. ამიტომაც რაც უფრო დააგვიანებენ გადალაგებას ოპოზიცია, ხელსუფლება მით უფრო მოგებულ პოზიციაში აღმოჩნდება. 

შეძლებს თუ არა „ნაციონალური მოძრაობა" 2024 წლის საპარლამენტო არჩევნებისათვის ყველაზე მსხვილი ოპოზიციური ძალის სტატუსის შენარჩუნებას და რომელ პარტიებს აქვთ საკმარისი რესურსი, რომ ამ თვალსაზრისით ენმ-ის ჩანაცვლება შეძლონ? ანალიტიკოსები ამ თემაზე „რეზონანსთან" საუბრისას აცხადებენ, რომ ამის თეორიული შანსი ხმოლოდ სამ პარტიას აქვს, თუმცა, საბოლოოდ ყველაფერი იმაზე იქნება დამოკიდებული, თუ ერთის მხრივ რამდენად სწორად წარმართავენ თავად ეს პარტიები საარჩევნო კამპანიას და რა გაგრძელება ექნება კრიზისს ენმ-ში.

მმართველი პარტია, რომელსაც ოპოზიციაში არ ჰყავს რეალური ალტერნატივა, მაგრამ თავად პარტიის შეიგნით ჰყავს რამდენიმე ავტორიტეტული ლიდერი, შესაძლოა გაიყოს და რეალურად ოპოზიციური ძალა ამ გაყოფის შედეგად წარმოშვას - ამის შესახებ „რეზონანსთან“ ანალიტიკოსი რამაზ საყვარელიძე საუბრობს, რომელიც მიიჩნევს, რომ ბიძინა ივანიშვილის პოლიტიკაში დაბრუნებამ შესაძლოა ეს პროცესი დააჩქაროს.

უკრაინას სრული უფლება აქვს განახორციელოს შეტევა ოჩამჩირის პორტში მდგარ რუსულ სამხედრო ხომალდებზე და აქვს შესაბამისი შესაძლებლობებიც. ამის შესახებ უკრაინის სამხედრო-საზღვაო ძალების ხელმძღვანელმა ალეკსეი ნეიჟპაპამ განაცხადა. ნიშნავს თუ არა ეს, რომ ახლო მომავალში შესაძლოა ვიხილოთ დარტყმები საქართველოს ოკუპირებულ რეგიონზე?

ხუთშაბათს საგარეო საქმეთა სამინისტროში, დანიის ელჩი ტოფტ სორენსენი განმარტებისთვის იყო დაბარებული, საქმე ეხება დანიურ მედიაში გამოქვეყნებულ წერილს, რომელიც საქართველოს ევროინტეგრაციის საკითხს ეხება და სადაც დიპლომატი აწ უკვე „ოცნების" საპატიო თავჯდომარეს ბიძინა ივანიშვილს ოლიგარქად მოიხსენიებს.

პრეზიდენტი სალომე ზურაბიშვილი 6 თებერვალს პარლამენტის წინაშე ყოველწლიური მოხსენებით წარსდგება. ანალიტიკოსები არ გამორიცხავენ, რომ თუ ზალომე ზურაბიშვილმა აქცენტი დეოლიგარქიზაციაზე გააკეთა, გამოსვლა შესაძლოა ხმაურიანი აღმოჩნდეს. ამასთან, პრეზიდენტის მოხსენება საგაზაფხულო სესიის პირველ სხდომას ემთხვევა და ექსპერტები ემოციებით სავსე საპარლამენტო სეზონს ელოდებიან.

მას შემდეგ, რაც „ქართული ოცნების" დამფუძნებელმა ბიძინა ივანიშვილმა პოლიტიკაში დაბრუნებაზე განაცხადა, ოპოზიციამ დეოლიგარქიზაციაზე განცხადებები გაააქტიურა. ანალიტიკოსებს მოლოდინი აქვთ, რომ ამაზე ოპოზიციური ფლანგიდან საუბრები წინასაარჩევნო კამპანიის ფარგლებში უფრო გამძაფრდება. როგორც ანალიტიკოსი გია აბაშიძე „რეზონანსთან" აცხადებს, ოპოზიცია სუსტია და „ერთადერთი ის დარჩენია დასავლეთს ივანიშვილის წინააღმდეგ ე.წ. ფსევდო სანქციები მოსთხოვოს".

რა გავლენას მოახდენს ბიძინა ივანიშვილის პოლიტიკაში დაბრუნება პოლიტიკურ სპექტრზე  და როგორ შეიძლება დალაგდეს ოპოზიციური სპექტრი. ივანიშვილის გამოჩენის შემდეგ ოპოზიციამ ძლიერი ერთიანი ცენტრის იდეაზე მსჯელობა გააცხოველა. მათი უმრავლესობა ფაქტობრივად თანხმდება, რომ როგორც მინიმუმ „ოლიგარქიული რეჟიმის“ წინააღმდეგ ერთიანი კონფიგურაციით ბრძოლაა საჭირო. ამ ფონზე პარტიების ლიდერების ნაწილი მაინც არ ერიდება ერთმანეთზე თავდასხმას, თუმცა მთვარი სამიზნე ყველასთვის მაინც „ქართული ოცნებაა“. 

უკვე თითქმის გადაწყვეტილია, რომ მმართველი პარტია საარჩევნო ბარიერს არ დასწევს, რაც არაერთ ოპოზიციურ პარტიას პარლამენტში მოხვედრის სერიოზულ პრობლემას უქმნის, რადგან წინა არჩევნებზე ბევრმა მათგანმა 3%-ზე ცოტათი მეტი აიღო და ამის შედეგად მოხვდა პარლამენტში. ბევრი ავტორიტეტული გამოკითხვაც აჩვენებს, რომ ამ ეტაპზე დანამდვილებით შეიძლება ითქვას, რომ ბარიერს ორი პარტია ძლევს - „ოცნება" და ენმ, გახარიას პოლიტიკურ ძალას კი ამის სერიოზული შანსი აქვს. დანარჩენების შანსები, რბილად რომ ვთქვათ, მცირეა.

ექსპრემიერი გიორგი გახარია პოლიტიკაში ოფიციალურად დაბრუნებულ ბიძინა ივანიშვილს დებატებში იწვევს და სურვილს გამოთქვამს, ორივე მხრიდან კითხვები დაისვას. თუმცა სახელისუფლებო გუნდში გამორიცხავენ, რომ ივანიშვილი გახარიას რამე მნიშვნელოვან საკითხზე ეკამათოს. იმას, რომ ეს დებატები არ შედგება, „რეზონანსთან"პოლიტოლოგი ნიკა ჩიტაძეც ადასტურებს.

სახელისუფლებო გუნდი რელიგიური ნაგებობების და ნივთების შეურაცხყოფისთვის სისხლის სამართლებრივი პასუხისმგებლობის გამკაცრების კანონპროექტზე მუშაობს და უახლოეს პერიოდში მის დაინიცირებას აპირებს. როგორც „ოცნებაში" აცხადებენ, ეს ცვლილება შესაბამისობაშია ევროკავშირის ბევრი ქვეყნის, მათ შორის გერმანიის, ავსტრიის, პოლონეთის, საბერძნეთისა თუ იტალიის კანონებთან. თუმცა ამით რამდენად დავუახლოვდებით ევროკავშირს, როგორც პოლიტიკის ანალიტიკოსი ზაალ ანჯაფარიძე აცხადებს, ამას ვენეციის კომისია გადაწყვეტს.