რეზონანსი
10.08.2022

პორტუგალიის ნაკრების ყოფილი ფეხბურთელი ფერნანდო შალანა 64 წლის ასაკში გარდაიცვალა. ამის შესახებ იტყობინება პორტუგალიის ფეხბურთის ფედერაციის პრესსამსახური.

შალანას სიკვდილის მიზეზი ცნობილი არ არის.

შალანამ 13 სეზონი გაატარა „ბენფიკაში“, ასევე თამაშობდა „ბორდოში“, „ბელენენსესში“ და „ეშტრელა და ამადორაში“. ის ექვსჯერ გახდა პორტუგალიის ჩემპიონი და სამჯერ მოიგო პორტუგალიის თასი. ასევე ორ-ორჯერ გაიმარჯვა საფრანგეთის ჩემპიონატსა და თასზე.

პორტუგალიის ნაკრებში შალანამ 29 მატჩი ჩაატარა და ორი გოლი გაიტანა. ის დაეხმარა გუნდს ევრო 1984-ზე ნახევარფინალურ ეტაპზე გასვლაში და ამ ტურნირის სიმბოლურ ნაკრებში მოხვდა.

ფერნანდო შალანა ორჯერ გახდა პორტუგალიის წლის საუკეთესო ფეხბურთელი – 1976 და 1984 წლებში.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×