რუსი ოპოზიციონერი ალექსეი ნავალნი, რომელიც ამჟამად ბერლინის კლინიკა „შარიტეში" იმყოფება, სოციალურ ქსელ „ინსტაგრამში" პოსტს აქვეყნებს, რომელშიც აღწერს, თუ როგორია მისი ჯანმრთელობის მდგომარეობა მას შემდეგ, რაც სავარაუდოდ, „ნოვიჩოკით" მოწამლეს.

ევროკავშირმა ალექსანდრე ლუკაშენკოს დრო ნოემბრის დასაწყისამდე მისცა. ორგანიზაციის ოფიციალური მოთხოვნით, ლუკაშენკომ ბელარუსის პრეზიდენტის პოსტი მის შემდგომ ინაუგურაციამდე უნდა დატოვოს. ამის შესახებ საინფორმაციო სააგენტო „როიტერსი" იუწყება.

ლუკაშენკოს თავისი რეჟიმის გაძლიერება სურს, რადგან ადგილობრივმა მოსახლეობამ ვერ შეეძლოს ბელორუსის საზღვრების გადაკვეთა - ამის შესახებ სამხედრო ექსპერტი ვახტანგ მაისაია „რეზონანსთან" საუბრისას აცხადებს, რითაც ალექსანდრე ლუკაშენკოს გადაწყვეტილებას ეხმაურება, რომლის მიხედვითაც, ბელორუსი ლიეტუვასთან და პოლონეთთან საზღვარს კეტავს, უკრაინასთან კი .სასაზღვრო კონტროლს ამკაცრებს.

გერმანიის ხელისუფლება საკუთარი კომერციული ინტერესების ხარჯზე სხვა, თუნდაც მისი მოკავშირე ქვეყნების სტრატეგიული ინტერესების შელახვას არ ერიდება - მოკლედ ასე შეიძლება შეფასდეს გერმანიის მცდელობა როგორმე ბოლომდე მიიყვანოს გაზსადენ „ჩრდილოეთ ნაკადი 2"-ის მშენებლოდა, რომელსაც აქტიურად ეწინააღმდეგებიან აშშ, აშშ, ცენტრალური და აღმოსავლეთ ევროპის ქვეყნები და რომლის მიზანშეწონილობაზეც თავად გერმანიის პოლიტიკურ ელიტაშიც კი აზრთა სხვადასხვაობაა.

ინგუშეთის დედაქალაქ მაგასის რაიონულმა სასამართლომ ადგილობრივი ოპოზიციური გამოცემა „ფორტანგას" ყოფილი რედაქტორი რაშიდ მაისიგოვი დამნაშავედ ცნო დიდი ოდენობით ნარკოტიკების შენახვაში და 3 წლით პატიმრობა მიუსაჯა. ახლო მომავალში მას კიდევ ერთი სასამართლო ელის - მაისიგოვს ამჯერად ინგუშეთის საქართველოსთან შეერთების მოწოდების გამო გაასამართლებენ.

ევროკავშირი რუსეთისათვის ახალი სანქციების დაწესებას გეგმავს, რომელსაც „ნავალნის სანქციების“ რეჟიმი ერქმევა. ამის შესახებ ევროკავშირის საგარეო საკითხების უმაღლესმა კომისარმა ჟიზეფ ბორელმა ევროპარლამენტის სესიაზე განაცხადა. თავად რუსი ოპოზიციონერი ალექსეი ნავალნის მდგომარეობა კი, რომელიც მოწამვლის შემდეგ გერმანიაში აგრძელებს მკურნალობას, მნიშვნელოვნად გაუმჯობესდა.

ბელორუსის პრეზიდენტი ასიათასიანი საპროტესტო გამოსვლების ფონზე, რუსეთის პრეზიდენტს ვლადიმირ პუტინს სოჭში შეხვდა. როგორც რუსული საინფორმაციო სააგენტოები შეხვედრის დეტალებს ახმაურებენ, ბელარუსის პრეზიდენტმა პუტინს მხარდაჭერისთვის მადლობა გადაუხადა და განუცხადა, რომ ბელარუსი „უფროს ძმასთან, რუსეთთან უფრო ახლოს უნდა იყოს", პუტინი კი მინსკს 1.5 მილიარდი დოლარის სესხის უზრუნველყოფას დაპირდა.

რუსეთის 1917 წლის ბოლშევიკური რევოლუციის ლიდერი ვლადიმირ ლენინის ნეშტი შესაძლოა მოსკოვის წითელ მოედანზე მდებარე მავზოლეუმიდან გამოიტანონ და სასაფლაოზე დაკრძალონ. ხელისუფლებამ მავზოლეუმის ახალი დანიშნულებით გამოყენებაზე კონკურსი გაოაცხადა და მიუხედავად იმისა, რომ პირდაპირი განცხადება ლენინის დაკრძალვაზე არ გაკეთებულა, ხელისუფლებასთან დაახლოებული პირები მინიშნებას აკეთებენ, რომ ეს საკითხი დღის წესრიგში დგას.

ბელორუსის სპეცრაზმმა მინსკში მდებარე შვედეთის საელჩო ალყაში მოაქციეს, როგორც თვითმხილველები ამბობენ, სპეცრაზმი საელჩოს ტერიტორიაზე შეჭრილი იმ ორი პირის დაკავებას ცდილობდა, რომლებიც თავს პოლიტიკურ დევნილებად აცხადებდნენ.

7 სექტემბერს გავრცელებული ინფორმაციის თანახმად, უცნობმა პირებმა ბელარუსის აქციების ლიდერი მარია კოლესნიკოვა მინსკის ცენტრიდან მინივენით გაიტაცეს. 8 სექტემბერს კი ბელარუსის სახელმწიფო ტელეარხმა გამოაცხადა, რომ მარია კოლესნიკოვა ბელარუსი-უკრაინის საზღვარზე 8 სექტემბერს, გამთენიისას დააკავეს მაშინ, როცა ავტომობილით ცდილობდა ქვეყნის დატოვებას. მათივე ინფორმაციიით, კიდევ ორი ოპოზიციონერი - ანტონ როდნეკობი და ივან კრავტსოვი - რომლებიც ასევე იმყოფებოდნენ ავტომობილში, უკვე უკრაინაში არიან.

ბრიტანელმა მეცნიერებმა კორონავირუსით დაავადებულ პაციენტებზე დაკვირვების შედეგად შეიმუშავეს ფორმულა, რომლითაც კორონავირუსული ინფექციისგან პაციენტის გადარჩენის შანსების გამოთვლაა შესაძლებელი - ამის შესახებ ცნობილი ბრიტანული გამოცემა „მირორი" იტყობინება. მეცნიერები მიიჩნევენ, რომ ამ ფორმულით ბევრი ადამიანის სიცოცხლეს გადაარჩენენ, რადგან მკურნალობის მეთოდი უფრო ინდივიდუალური იქნება.

ნავალნი „ნოვიჩოკის" ახალი უცნობი სახეობით მოწამლეს, რომელიც ბოროტმოქმედების გეგმით თვითმფრინავშივე უნდა მომკვდარიყო - ამ დასკვნამდე მივიდნენ გერმანელი სპეციალისტები, იტყობინება გამოცემა Die Zeit.