რუსეთში საკანონმდებლო დონეზე განიხილება ინიციატივა, რომელიც სახელმწიფოს აძლევს უფლებას საკუთარი მოქალაქეების დასაცავად სამხედრო ძალაც კი გამოიყენოს ქვეყნის საზღვრებს გარეთ. აღნიშნული საკითხი საერთაშორისო სამართლისა და გეოპოლიტიკური სტაბილურობის კუთხით სერიოზულ კითხვებს აჩენს.

ირანის წინააღმდეგ ომი დასრულებასთან ახლოსაა, - ამის შესახებ აშშ-ის პრეზიდენტმა დონალდ ტრამპმა Fox Business-თან ინტერვიუში განაცხადა. "მიმაჩნია, რომ თითქმის დასრულებულია", - განაცხადა ტრამპმა. მისი თქმით, ირანს შეთანხმების დადება სურს.

აშშ-მ ჰორმუზის სრუტის განბლოკვა დაიწყო, თუმცა უცნობია, ეს ყველაფერი როგორ დასრულდება, რადგან ზოგიერთი ექსპერტი აღნიშნავს, რომ ირანის საზღვაო პოტენციალი მაღალია. პრეზიდენტმა დონალდ ტრამპმა განაცხადა, რომ აშშ ირანის პორტების ბლოკადას განახორციელებს. ამერიკის ცენტრალური სარდლობის ინფორმაციით, ბლოკადა გავრცელდება ყველა ქვეყნის გემებზე, რომლებიც ირანის პორტებში შედიან ან გამოდიან - როგორც ირანში, ასევე სპარსეთისა და ომანის ყურეებში. ირანი ამერიკას აფრთხილებს და ამბობს, რომ ისინი მზად არიან და საჭიროების შემთხვევაში მკაცრი რეაგირება ექნებათ.

ისრაელის პრემიერ-მინისტრმა ბენიამინ ნეთანიაჰუმ თურქეთის პრეზიდენტი რეჯეფ თაიფ ერდოღანი გააკრიტიკა და „იქსზე" დაწერა, რომ ერდოღანი მხარს უჭერს ირანის რეჟიმს და ქურთებს ხოცავს. „ჩემი ხელმძღვანელობით, ისრაელი გააგრძელებს ბრძოლას ირანის ტერორისტულ რეჟიმთან და მის მოკავშირეებთან; მაშინ როცა ერდოღანი მხარს უჭერს მათ და ხოცავს საკუთარ ქურთ მოქალაქეებს",- წერს ნეთანიაჰუ.

რომის პაპმა ლეომ განაცხადა, რომ მას ტრამპის ადმინისტრაციის „შიში არ აქვს" და ომის წინააღმდეგ საჯაროდ გამოსვლას გააგრძელებს. ეს განცხადება მან მას შემდეგ გაავრცელა, რაც აშშ-ის პრეზიდენტმა ირანთან დაკავშირებული მისი პოზიციის გამო უჩვეულოდ მწვავე კრიტიკა გამოთქვა.

უკრაინის პრეზიდენტის ვოლოდიმირ ზელენსკის წინადადებას აღდგომის დღესასწაულზე ცეცხლის შეწყვეტასთან დაკავშირებით აქვს შანსი, რომ განხორციელდეს - უკრაინელები იმსახურებენ ტერორისგან თავისუფალ სადღესასწაულო დღეს, - ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ ქსელში წერს.

რუსული წყალქვეშა ნავები ჩრდილოეთის ზღვაში კაბელებს შეისწავლიდნენ - მათი მისია დიდი ბრიტანეთის სამეფო ფლოტმა ჩაშალა, - ამის შესახებ დიდი ბრიტანეთის თავდაცვის მინისტრმა, ჯონ ჰილიმ განაცხადა.

ევროპელების მორიგი მცდელობა თუ უკვე ნანახი სცენარი - აშშ-სა და ირანს შორის მიღწეული ცეცხლის შეწყვეტის ფონზე, დასავლეთის ქვეყნების ლიდერებმა ერთობლივი განცხადება გაავრცელეს და, როგორც გავლენიანი გამოცემები წერენ, ფაქტობრივად ,კოორდინირებული ევროპული კოალიცია ჩამოაყალიბეს -ისინი მხარეებს ზავის შესრულებისა და პროცესის გრძელვადიან მშვიდობამდე მიყვანისკენ მოუწოდებენ.

უკრაინული მხარე აშშ-სა და ირანს შორის ცეცხლის შეწყვეტას მიესალმება და „ანალოგიური პასუხისთვის" მოსკოვის თავდასხმების შეწყვეტის შემთხვევაშიც მზადყოფნას გამოხატავს, მიუხედავად იმისა, რომ ფრონტის ხაზი ბოლო ექვსი თვის განმავლობაში პრაქტიკულად არ შეცვლილა და რუსეთი შეტევებს კვლავ განაგრძობს.

აშშ-ს პრეზიდენტის დონალდ ტარმპის მიერ დაანონსებულ „ცივილიზაციურ აღსასრულამდე" ცოტა დრო რჩება, ყველა ელოდება იმას, რასაც ტრამპი ბოლო რამდენიმე კვირაა აანონსებს. ვრცელდება ინფორმაცია, რომ ირანმა აშშ-სთან ამ მუქარის მერე პირდაპირი დიპლომატიური ურთიერთობები გაწყვიტა, რა იქნება ახლა - ამაზე ცალსახა პასუხი, ჯერჯერობით, არ არსებობს.

ვიქტორ ორბანს 12 აპრილის საპარლამენტო არჩევნებში ტრამპის ადმინისტრაციის სრული მხარდაჭერა აქვს, ამის სადემონსტრაციოდ ვიცე-პრეზიდენტი ჯეი დი ვენსი სამშაბათს ბუდაპეშტშიც კი ჩავიდა. ერთობლივ პრესკონფერენციაზე ვენსმა თქვა, რომ ბრიუსელის ბიუროკრატები „უნგრელი ხალხის დაჩაგვრას ცდილობენ". თავის მხრივ ვიზიტს ოპოზიციური ფრთა ეხმიანება და აღნიშნავს, რომ უცხო ქვეყანას არჩევნებში ჩარევის უფლება არ აქვს.

ამერიკის პრეზიდენტის, დონალდ ტრამპის მიერ ირანისთვის მიცემული ულტიმატუმის ვადა, რაც ყველა ხიდისა და ელექტროსადგურის განადგურებას ითვალისწინებს, იწურება, თუმცა საუბარი მიდის, რომ შესაძლოა გახანგრძლივდეს. ირანი უკან არ იხევს - ჰორმუზის სრუტე კვლავ ბლოკირებულია, რაც კიდევ უფრო სერიოზულ პრობლემებს უქმნის მსოფლიო ეკონომიკას.