ტაქსის მძღოლის მკვლელობის ბრალდებით დაკავებული 14 წლის გოგოს საქმე, შესაძლოა თავდაყირა დადგეს. ბრალდებული არასრულწლოვანის ადვოკატი ირწმუნება, რომ საქმის გამოძიება დარღვევებით მიდის. ასევე ჯერ კიდევ უცნობია მოტივი, რა გახდა ტაქსის მძღოლის მკვლელობის მიზეზი. პროკურატურა აცხადებს, რომ ეს იყო შურისძიება,  თუმცა დეტალებს არ ამხელს. 

შესაძლოა თუ არა საქართველო უკრაინას შორის ახალი დიპლომატიური სკანდალი დაიწყოს? ამის მიზეზი კი ქვეყანაში ახალი ბანერების გამოჩენაა - "ქართული ოცნება" საარჩევნო პროპაგანდისთვის უკრაინაში რუსეთის მიერ დაბომბილი შენობების ფოტოებს იყენებს.    

„ოცნება", ცესკოში დარეგისტრირებულ ადგილობრივ სადამკვირვებლო ორგანიზაციების ნახევარზე მეტს პოლიტიკურ მიკერძოებულობაში ადანაშაულებს. საპარლამენტო უმრავლესობის წევრმა, გივი მიქანაძემ ამას სპეციალური ბრიფინგიც მიუძღვნა, სადაც განაცხადა, რომ მმართველი პარტიის ჩატარებული კვლევით, 49 ორგანიზაციიდან, 26 ოპოზიციის სასარგებლო საქმეს აკეთებს. ოპოზიციაში კი აცხადებენ, რომ ესაა საფუძვლის მზადება, რომელიც სადამკვირვებლო ორგანიზაციების დისკრედიტაციისკენაა მიმართული.

ილიას სახელმწიფო უნივერსიტეტს პირობითი ავტორიზაცია მისცეს. ავტორიზაციის საბჭომ ჩათვალა, რომ უნივერსტიტეტი ავტორიზაციის მოთხოვნებს ვერ აკმაყოფილებს, შესაბამისი ოქმი კი რამდენიმე დღეში გადაეცემა. უნივერსიტეტი გადაწყვეტილებას არ ეთანხმება და მის სააპელაციო კომისიაში გასაჩივრებას გეგმავს. ილიაუნის პროფესორთა გარკვეული ნაწილი ამას პოლიტიკურად მოტივირებულს უწოდებს. ექსპერტთა მოსაზრებები კი სხვადასხვაგვარია.

ზელენსკის მხრიდან ჩვენს არჩევნებში ჩარევა, კანდიდატების აგიტაცია სულელობისა და ამპარტავნების უმაღლესი დონეა, - ამის შესახებ რესპუბლიკელი სენატორი ერიკ შმიტი „ტვიტერზე" წერს. როგორც სენატორი აღნიშნავს, არ სჭირდებათ, უცხო ქვეყნის ლიდერები მათ არჩევნებში ჩაერიონ. ანალიტიკოსებისთვის გაუგებარია რაში გამოიხატება უკრაინის არჩევნებში ჩარევა და ამბობენ, რომ ეს მიუთითებს, თუ როგორ გაიზარდა ამერიკაში პოლარიზაცია.

აშშ-სა და საქართველოს ხელისუფლებებს შორის ურთიერთობები თანდათან იძაბება, ნიუ-იორკიდან დაბრუნებული პრემიერი ირაკლი კობახიძე ამაში პასუხისმგებლობას ამერიკულ მხარეს აკისრებს და ვაშინგტონი-თბილისის ურთიერთობების არსებულ სტატუს-კვოს გადახედვას აპირებს. ამბობს, რომ „ასე არ უნდა გაგრძელდეს".

,,რთველი-2024"  წარმატებით მიმდინარეობს. მთავრობის მხრიდან  ყველა წინაპირობაა, რომ წლევანდელი შემოდგომა საინტერესო და მრავალმხრივ სასარგებლო  აღმოჩნდეს საქართველოს მევენახეობა-მეღვინეობის სექტორში მონაწილე ყველა  სობიექტისთვის - ფერმერიდან დაწყებული, მსხვილი ბიზნესის ჩათვლით.  დაგეგმილი ღონისძიებები იძლევა შესაძლებლობას, რომ ქართულმა ღვინომ კიდევ უფრო დაიმკვიდროს ადგილი საერთაშორისო ღვინის ბაზარზე. 

დიდ დიღომში გვაინ ღამით ახალგაზრდა კაცი დაჭრეს. როგორც ირკვევა,  ურთიეთშელაპარაკების ნიადაგზე, მათ შორის ჯრ ფიზიკური, შემდეგ კი სისხლიანი ანგარიშსწორება მოხდა. კაცს ცეცხლსასროლი იარაღიდან ესროლეს. ის მძიმე მდგომარეობაში ადგილზევე მიატოვეს. თვითმხილველები ამბობენ, რომ დამნაშავესთან ერთად კიდევ ორი მამაკაცი იყო, რომლებიც ადგილდან მიიმალნენ. დაჭრილი ახალგაზრდა კი გამვლელებმა იპოვეს. სასწრაფო დახმარება გამოიძახეს და კაცი საავადმყოფოში გადაიყვანეს. ადგილზე პოლიცია მივიდა, რომელმაც სამივე მამაკაცი ცხელ კვალზე, რამდენიმე სააათიანი სამძებრო - საგამოძიებო ღონისძიებების შედეგად დააკავეს. 

ტურისტულ მომსახურებაზე მოთხოვნის ზრდის პარალელურად ფასები კატასტროფულად მატულობს. ამ პროცესს ხშირად რეალური საფუძველი არ აქვს და გაძვირება ინერციით ხდება. სფეროს სპეციალისტები მიმდინარე პროცესს არაერთგვაროვნად აფასებენ. ნაწილი მიიჩნევს, რომ გაზრდილი ფასი და მომსახურების შედარებით დაბალი ხარისხი ტურიზმს დააზარალებს. ნაწილი კი თვლის, რომ ნაკლები, მაგრამ მაღალბიუჯეტიანი ტურისტების მოზიდვა ქვეყნისთვის პრიორიტეტი უნდა გახდეს.

აშშ-მ ზელენსკის არ მისცა უფლება რუსეთის ტერიტორიაზე იარაღის გამოყენების და ამას თავისი რამდენიმე მიზეზი აქვს - სამხედრო ექსპერტის ვახტანგ მაიასაიას განცხადებით, დიდმა ბრიტანეთმაც იმ შემთხვევაში მისცა უკრაინას მათი იარაღის გამოყენების საშუალება, თუკი ამერიკაც იგივეს იზამდა.

შარშანდელთან შედარებით, წელს ჰიდროლოგიური ვითარება საგრძნობლად შეცვლილია. განვლილ თვეებში ელექტროენერგიის იმპორტი მნიშვნელოვნად გაიზარდა, ხოლო ექსპორტი შემცირდა, რაც იმას ნიშნავს, რომ ელექტროენერგიის გამომუშავება არ იყო მაღალი ანდა კაშხლოვან ჰესებში ზამთრისთვის წყალი დააგროვეს. 

ნატო ამზადებს გეგმას, რომელიც რუსეთთან ომის შემთხვევაში, ფრონტის ხაზებიდან დიდი რაოდენობით დაჭრილი ჯარისკაცების კოორდინაციას ითვალისწინებს, - ამის შესახებ ინფორმაციას „როიტერი" ავრცელებს. ნატოს ლოგისტიკური სარდლობის ხელმძღვანელმა, გენერალ-ლეიტენანტმა ალექსანდრ სოლფრანკმა სააგენტოსთან ინტერვიუში თქვა, რომ სამედიცინო ევაკუაციის მომავალი სცენარი განსხვავდება იმ გამოცდილებისგან, რაც მოკავშირეებს ავღანეთსა და ერაყში ჰქონდათ.