ხუდონჰესის აშენების გადაწყვეტილება საბოლოოდ ურყევია და მთავრობას ქვეყნის ენერგეტიკისთვის მნიშვნელოვან პროექტების განხორციელებას სწორედ ამ გიგანტური ჰესით დაიწყებს. ამის მთავარი პირობაა, რომ  მოსახლეობის ნდობა მოიპოვონ, რა მიმართულებითაც მუშაობა გააქტიურდება. კონკრეტულად რა შეიძლება ადგილობრივებს შესთავაზონ, უცნობია, თუმცა სპეციალისტები ფიქრობენ, რომ სავარაუდოდ, ეს იქნება სოციალური გარანტიები, ფულადი კომპენსეციები და დასაქმების პერსპექტივა. პარალელურად გარკვეული ინფრასტრუქტურული პროექტებიც შეიძლება განხორციელდეს.

თურქეთის თავდაცვის სამინისტროს განცხადებით, ირანიდან გაშვებული ბალისტიკური რაკეტა თურქეთის საჰაერო სივრცეში შევიდა და აღმოსავლეთ ხმელთაშუა ზღვის რეგიონში განთავსებულმა ნატოს თავდაცვის სისტემებმა განეიტრალეს.

შეერთებული შტატები ამ ეტაპზე უკრაინისთვის განკუთვნილ იარაღს ახლო აღმოსავლეთში არ გადაამისამართებს - აცხადებს უკრაინის პრეზიდენტი ვოლოდომირ ზელენსკი, თუმცა, არ გამორიცხავს, რომ ირანში მიმდინარე ომის ხანგრძლივობამ და რეგიონში სამხედრო საჭიროებებმა ვაშინგტონის შემდგომი გადაწყვეტილებები შეცვალოს.

ესპანეთმა ირანზე თავდასხმებში ჩართული აშშ-ის თვითმფრინავებისთვის თავისი საჰაერო სივრცე დახურა, - ამის შესახებ ქვეყნის თავდაცვის მინისტრმა, მარგარიტა რობლესმა ჟურნალისტებს განუცხადა. „არ ვიძლევით არც სამხედრო ბაზების გამოყენების და არც საჰაერო სივრცის გამოყენების უფლებას ირანში ომთან დაკავშირებული ქმედებებისთვის", - განაცხადა მინისტრმა.

სომხეთში დაგეგმილი საპარლამენტო არჩევნები უკვე აღიქმება როგორც არა მხოლოდ შიდა პოლიტიკური ბრძოლა, არამედ რეგიონული არჩევანი - დასავლეთსა და რუსეთს შორის. ჩანს, რომ მოქმედი პრემიერის, ნიკოლ ფაშინიანის პოზიციები ჯერ კიდევ შედარებით ძლიერია, თუმცა ბევრი გარემოება ფაშინიანს გამარჯვების 100%-იან გარანტიას არ აძლევს.

28 მარტს, ელჩი იშიძუკა ჰიდეკი, საქართველოში ვიზიტით მყოფი ჰოკაიდოს პრეფექტურის ქა ლაქ იოიჩის მერთან, ბატონ საიტო კეისუკესთან ერთად, გურჯაანს ეწვია.

საქართველოს სტრატეგიული ანალიზის ცენტრის გეოპოლიტიკური კვლევების ხელმძღვანელი, ვახტანგ მაისაია აშშ-ს მიერ ირანში სახმელეთო ოპერაციის დაწყების შემთხვევაში მოსალოდნელ სცენარებს განიხილავს და ამბობს, რომ თუ ამერიკას გეგმა კარგად შემუშავებული არ აქვს, აზრი არ აქვს დაწყებას.

„ქართული ოცნება" აცხადებს, რომ ვაშინგტონთან ურთიერთობის გაუმჯობესების ინიციატივა ახლა აშშ-ის ხელშია, ხელისუფლების შეფასებით, თბილისმა საკუთარი ნაბიჯები უკვე გადადგა, ხოლო შემდგომი პარტნიორობის აღდგენა იმაზეა დამოკიდებული, რამდენად მზად იქნება ვაშინგტონი დიალოგისთვის, ვაშინგტონი კი ამბობს, რომ ურთიერთობის გაუმჯობესებისთვის, პირიქით, "ოცნებამ" უნდა გამოიჩინოს ინიციატივა.

ჟენევა - წყლის რესურსების, გარემოს და ჯანმრთელობის გლობალურმა ინსტიტუტმა ჩაატარა მაღალი რანგის პარალელური ღონისძიება ადამიანთა უფლებების გაეროს საბჭოს 61-ე საბჭოს ფარგლებში, რომლის მიზანი იყო იმის შესწავლა თუ როგორ გადაიქცევა ციფრული ინოვაციები და თანამშრომლობა სამხრეთი-სამხრეთი განვითარებაზე უფლების განხორციელების კატალიზატორად.

2025 წელს საქართველოში 37 867 ბავშვი დაიბადა და ეს ბოლო 32 წელიწადში ყველაზე დაბალი მაჩვენებელია. ამავე პერიოდში გარდაცვლილთა რიცხვმა 44 319 შეადგინა, რაც დაბადებულთა რაოდენობას 6 452-ით აღემატება და ქვეყნის დემოგრაფიულ კრიზისზე მიანიშნებს. ექსპერტები გამოსავლად შობადობის მატერიალურ წახალისებას ასახელებენ.

„ქართული ოცნების" ახალგაზრდული ორგანიზაცია მასშტაბურ რეგიონულ ტურნეს იწყებს. მომდევნო თვეებში შეხვედრები ქვეყნის 10 რეგიონს მოიცავს და ახალგაზრდებთან პირდაპირ დიალოგზე იქნება ფოკუსირებული. მმართველ გუნდში ამბობენ, რომ მიზანი ახალგაზრდების აქტიური ჩართულობაა, თუმცა ანალიტიკოსები ამ პროცესს უკვე წინასაარჩევნო სტრატეგიის ნაწილად აფასებენ.

ახლო აღმოსავლეთის კონფლიქტის ფონზე, უკრაინასთან დაკავშირებით მიმდინარე მოლაპარაკება კვლავ ჩიხშია მოქცეული. შეხვედრები პერიოდულად მაინც ტარდება, თუმცა უშედეგოდ. ამის პარალელურად აშშ-სა და უკრაინას შორის ახალი სკანდალი აგორდა - სახელმწიფო მდივანი მარკო რუბიო და პრეზიდენტი ვოლოდიმირ ზელენსკი ერთმანეთს ტყუილში ადანაშაულებენ.