ექიმსა და ტელეწამყვან სოფო ჯაფარიძეს ბოლო დროს, ერთ-ერთი ყველაზე პოპულარული დასაკლები პრეპრატის გამო ჯანმრთელობის სერიოზული პრობლემები შეექმნა. ამ თემაზე მან ნანუკა ჟორჟოლიანთან გულახდილად ისაუბრა. სოფომ მაყურებლებს სთხოვა, რომ თვითნებურად არასოდეს მიეღოთ ეს ინექცია, რომელმაც შეიძლება წონაში დაგაკლებინოთ, მაგრამ ჯანმრთელობის მდგომარეობის გაუარესების მიზეზად იქცეს.
პრეპარატი საქართველოში არ იყიდება, მის გამოწერას მომხმარებლები სხვადასხვა ინტერნეტსაიტის საშუალებით ახერხებენ. რეალურად პრეპარატი წონაში დასაკლებად არ გამოიყენება, ექიმები მას დიაბეტი ტიპი 2-ით დაავადებულ პაციენტებს სამკურნალოდ, დამხმარე საშუალებად უნიშნავენ. რადგან ინექცია მადის დაქვეითებას იწვევს, ჩვეულებრივ შემთხვევაში ადამიანების ნაწილი მისი მოხმარებისას წონაში იკლებენ, მაგრამ უკუჩვენებები ჯანმრთელი ადამიანის შემთხვევაში იმდენად დიდია, რომ დაუშვებელია მისი მოხმარება ექიმის გარეშე.
"ყველა იმ აზრზეა, რომ არ მჭირდებოდა წონაში კლება, მაგრამ მე არ ვთვლი ასე. მესამე ბავშვის გაჩენის შემდეგ დისკომფორტი მქონდა, წონაში კლება გამიჭირდა, დაახლოებით ათი კილო მქონდა ზედმეტი.
თავიდან როდესაც ვერ ვიკლებდი ენდოკრინოლიგთან მივედი, რომელმაც ანალიზები გამაკეთებინა, ანალიზები არეული მქონდა, რამაც დამირეგულირა პრობლემები და დავიწყე წონაში კლება. 9,5 კილო დავიკელი, მაგრამ შემდეგ წონა გამეყინა. შემდეგ გავიგე პრეპარატის შესახებ, ეს არის კანქვეშა ინექცია, რომელიც ინიშნება დიაბეტის დროს. მე სრულიად არაექიმურად მოვიქეცი, რასაც დღეს ძალიან ვნანობ. ორი თვე ვიკეთებდი და საოცარი შედეგი მქონდა. მომენტალური კლება დავიწყე, დედაჩემიც იკეთებს, მაგრამ გრამი არ აქვს დაკლებული.
ახლა რა პრობლემის წინაშე დავდექი, ყოველ წელს ვიკეთებ სრულ გამოკვლევას და არასოდეს მქონია პრობლემა. ერთი თვის წინ რომ გავიკეთებ კიდევ „ჩექაფი“, ყველა ორგანოზე მაქვს პრობლემა. გამიჩნდა კვანძები, გავხდი საოპერაციო. სწორედ ამ პრეპარატის მიღების შემდეგ.
მაქვს ახლა სერიოზული პრობლემა, რაც სადამდე მივა არავინ არ იცის. მე არაერთ ენდოკრინოლოგთან გავიარე კონსულტაცია და ყველა წინააღმდეგი იყო ეს პრეპარატი გამეკეთებინა. ბოლოს მითხრეს, რომ ანალიზები მაინც გამეკეთებინა და ყველაფერი ნორმაში მქონდა, ახლა კი ყველაფერი არეული მაქვს.
მე ამ პრეპარატს ექიმის გარეშე არავის ვურჩევ. გაძლიერებულ კვებაზე ვარ გადასული, ყველაფერს ვჭამ, ვიტამინებსაც ვიღებ, მაგრამ გრამსაც ვეღარ ვიმატებ. ძალიან მიყვარდა ტკბილი და ამასაც ვეღარ ვჭამ, რადგან ამ პრეპარატმა შემიცვალა გემოვნება. ასევე მხედველობის პრობლემა გამიჩნდა. მქონდა -2-მდე და ახლა მაქვს -4-მდე.
განგაშის სიგნალი ჩამერთო, ხომ არ მქონდა ანორექსიის ნიშნები. პირველ ეტაპზე საჭმლის დანახვაზე მქონდა გულის რევის შეგრძნება. ზოგადად არაშრომისუუნარო გამხადა, მაგრამ ვიტანდი, რადგან სარკეში რომ ვიყურებოდი, მომწონდა ჩემი თავი გამხდარი.
ლოყები ჩამივარდა, ინექციის მეშინია და სახეზე ინექციებს ვერ ვიკეთებდი და ბოლოს გარდაუვალი იყო. ამ დროს არაჯანსაღი ადამიანის ვიზუალი გაქვს. სრულიად უცხო ხალხი მირეკავდა, არ ჩერდებოდა ტელეფონი, მეკითხებოდნენ რა მოგივიდაო, ყველას ემპათიის გრძნობა გაუჩნდა ჩემს მიმართ. დარწმუნებულები იყვნენ, რომ ჯანმრთელობის პრობლემა მქონდა და ამ დროს ჩემი ნებით ვიკლებდი.
ცხოვრებაში არასოდეს მქონია მენტალური პრობლემები, არ ვიცოდი რა იყო შფოთვა და ახლა დამეწყო. ყველას ვთხოვ, რომ ექიმის გარეშე არ გაეკაროთ ამ პრეპარატს", - თქვასოფო ჯაფარიძემ.
ambebi.ge
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე