"სიტყვები გააკონტროლეთ, პარტიიდან პარტიაში მოხტუნავეებო... მე ვემსახურები ჩემს სამშობლოს ჩემი პროფესიით" - რას წერს "თეატრალურის კვარტეტის" წევრი კობა ჭეფხოძე
"თეატრალურის კვარტეტის" წევრი, კობა ჭეფხოძე სოციალურ ქსელში ვრცელ სტატუსს აქვეყნებს. მომღერალი იმ ადამიანებს მიმართავს, რომლებიც „ძალიან შეწუხებულები არიან მისი პოზიციით".
"ქართველობას და ქვეყნის სიყვარულს ნუ მასწავლით, პარტიიდან პარტიაში მოხტუნავეებო, სიტყვები გააკონტროლეთ, მე ვემსახურები ჩემს სამშობლოს ჩემი ადამიანობით და პროფესიით" - წერს ჭეფხოძე
- მოგესალმებით ყველას. ვინც მიცნობს, ალბათ ისიც იცის, რომ არ გამოვირჩევი სოციალურ ქსელებში „კლავიატურაზე კაკუნით". მინდა მივმართო ჩემს ძალიან ახლობლებს, რომლებიც ძალიან შეწუხებულები არიან ჩემი პოზიციით. მინდა მათ ვუთხრა კიდევ ერთხელ, რომ ვემიჯნები ყველანაირ ძალადობას, საქართველო არის ევროპა და ის აუცილებლად გახდება ევროკავშირის წევრი. რუსეთი მტერია და ოკუპანტი, აფხაზეთი საქართველოა, სამაჩაბლო საქართველოა. მე და ყველა ნორმალურად მოაზროვნე ადამიანებს გვინდა ევროპული მომავალი.
რაც შეეხება იმ ადამიანებს, ვისაც მივმართავ და ძალიან კარგად მიხვდებიან ვისაც მივმართავ, ქართველობას და ქვეყნის სიყვარულს ნუ მასწავლით, ძალიან გთხოვთ, თქვენ მართლა პარტიიდან პარტიაში მოხტუნავეებო. სიტყვები გააკონტროლეთ და ერთი ადგილი დააყენეთ და მერე მასწავლეთ ჭკუა და ისწავლეთ ისიც, რომ სამშობლო, დედა, მამა, ოჯახი და სარწმუნოება ძვირფასია და მერე მელაპარაკეთ სხვა დანარჩენზე. მე ვემსახურები ჩემს სამშობლოს ჩემი ადამიანობით და პროფესიით და სხვა პრეტენზია არ გამაჩნია თქვენსავით. ადგილი იპოვეთ და თავი იპოვეთ და დამიჯერეთ, სამშობლოს უფრო გამოადგებით.
შეგახსენებთ, რომ თეატრალური კვარტეტი საახალწლო კონცერტებში მონაწილეობს.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე