საზოგადოებრივი მაუწყებლის ბორდის წევრი, ბონდო მძინარაშვილი პაატა ბურჭულაძის შესახებ წერს:
"პაატა ბურჭულაძე ჯარიმებით რომ არის გადაფსიხებული, ცხადია! აბა, როგორია, აქამდე სულ ფულს უკუჭავდნენ ჯიბეში და ახლა ბიუჯეტში უნდა შეიტანოს!
ამასთან და ამიტომაც, არც იმას გამოვრიცხავ, რომ 8-9 აპრილის პროვოკაცია დაუკვეთეს და თვითონ აზრზეც არ არის, რა სამუდამო სირცხვილი აჭამეს: წლევანდელი 9 აპრილი, წამებულთა შეურაცხყოფა აგრესიითა და ბილწსიტყვაობით, ხალხის მეხსიერებაში ბურჭულაძის სახელს დაუკავშირდება და არასდროს დაგვავიწყდება!
დააკვირდით: არავინ, არც ერთი პოლიტიკური ლიდერი თუ საქვეყნოდ ცნობილი ხელოვანი არ ასოცირდება დღევანდელ უმსგავსობასთან!
მხოლოდ ბურჭულაძე!
აზრზე არ არის-მეთქი იმიტომ ვწერ, რომ ყოველთვის ფარშევანგობდა, ფარშევანგი კი, კუდს რომ გაშლის, ჩვეულებრივი ქათმის კურტუმო უჩანს!
ერთმა ხელოვანმა (სხვათა შორის, ბურჭულაძეზე დიდმა ხელოვანმა) ინტერვიუში თქვა, სცენაზე ყველაფერი ხელოვნური უნდა იყოსო. დეკორაციასაც გულისხმობდა და თამაშსაც, ანუ გარდასახვას, – როლი იმგვარად უნდა გაითავისო, რომ მაყურებელი შენზე კი არა, იმ გმირზე ფიქრობდესო. მაგრამ ისე უნდა შეასრულო, რომ სხვა როლში ყოფნისას წინა როლში არ გხედავდნენო.
ეს არის დიდი ხელოვნება!
ბურჭულაძეს დიდი სცენა რეალურ ცხოვრებაში გადმოაქვს, აქ კი ყოველთვის ყალბი და ანგარებიანია; ყალბია მისი ქართველობაც და მისი პატრიოტობაც!
რუსეთში რუსებს ეუბნება, რუსი ბანი ვარო და, საქართველოში სამშობლოსთვის თავდადებულის და ქველმოქმედის ნიღბის მორგებას ცდილობს!
ბურჭულაძის პრინციპია სულ თამაში და სულწაწყმედა! ცუდი კაცია ბურჭულაძე, ძალიან ცუდი!
ბევრს კი ეცადა, საკუთარ თავზე მაღლა ამხტარიყო, მაგრამ ამ სალტო-მორტალეში თავზე დაიბიჯა!
ღირსია!"
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე