ექსპრემიერ გიორგი გახარიას გუნდიდან გადინების პროცესი გრძელდება. ის ამჯერად ზაზა თავაძემ დატოვა. პარტიაში ამბობენ, რომ ეს პროფესიული არჩევანია. მმართველ გუნდში კი ნიშნის მოგებით იძახიან, რომ გახარიას პარტია იშლება. ექსპრემიერის პოლიტიკურ გუნდში იმასაც ამბობენ, რომ 28 ნოემბრის აქციაში მოანწილეობას არ აპირებენ, რადგან „საცა არა სჯობს, გაცლა სჯობს".

ანალიტიკოსი რამაზ საყვარელიძე ქვეყანაში მიმდინარე პოლიტიკური ვითარების შეფასებიბას „რეზონანსთან" ამბობს, რომ ოპოზიციის მთავარი პრობლემა ლოგიკური მიზნის არქონაა. მისივე აზრით, მათი გეგმები და მოწოდებები ბუნდოვანია. გარდა ამისა, ის აშშ-საქართველოს ურთიერთობების პოზიტიურად გადატვირთვასაც არ გამორიცხავს.

კაპიტალის ბაზრის ექსპერტ-ანალიტიკოსი მარინა გულედანი სრულიად მოულოდნელად აცხადებს, რომ დღეს საქართველოში ბიზნესის თავისუფლებაზე საუბარი მითია. მეტიც, თურმე, ქალბატონ მარინას იმედი ჰქონდა, რომ „ევროინტეგრაციის გზიდან გადახვევაზე“ მსხვილი ბიზნესი ხმას ამოიღებდა, მაგრამ ნურას უკაცრავად - მსხვილ ბიზნესს ისე ეშინია, რომ „ავიწროვებენ“, ოღონდ ხმას ვერ იღებს. სწორედ ამ დროს ბიზნესის თავისუფლების ინდექსის თვალსაზრისით, საქართველო რომ რეგიონის ლიდერია და ევროკავშირის რამდენიმე ქვეყანასაც უსწრებს. ამის იგნორირება კი უბრალოდ თვათმაქცობაა.

უკრაინის მეორე ყველაზე გავლენიანი ადამიანი და პრეზიდენტის მრჩეველი ანდრეი ერმაკი, ანტიკორუფციული რეიდის ობიექტი ხდება - უკრაინის პოლიტიკური ელიტა ისევ სკანდალის ეპიცენტრშია, ჯერჯერობით, კონკრეტულ ბრალი ერმაკისთვის წარდგენილი არ არის, თუმცა თავად ადასტურებს, რომ მის სახლში ჩხრეკა ჩატარდა.

გია ვოლსკი დღეს დაგეგმილ პროტესტს ამისამართებს ევროკავშირის საელჩოსთან. პარლამენტის ვიცე-სპიკერის თქმით, თავად ბლოკს უნდა მოსთხოვოს ხალხმა მოლაპარაკებების პროცესის გაჩერებაზე ახსნა-განმარტება და არა ხელისუფლებას.

სალომე ზურაბიშილი აცხადებს, რომ დღეს პოლიტიკური პატიებისა და მათი გაერთიანების დროა. მეხუთე პრეზიდენტი პარტიების კოორდინაციას ცდილობს და ანალიტიკოსები არ გამორიცხავენ, რომ მან მესამედაც სცადოს ოპოზიციისთვის მაკონსოლიდირებელი გეგმის შეთავაზება.

„ოცნების" ოპონენტები პრემიერის განცხადების წლისთავთან დაკავშირებით დაანონსებული აქციისთვის ემზადებიან, რასაც უერთდებიან როგორც უწყვეტი პროტესტის მონაწილეები, ისე არასამთავრობო ორგანიზაციები და ოპოზიციური პარტიები. გამონაკლისია ექსპრემიერ გიორგი გახარიას პარტიისა, რომელიც აცხადებს, რომ არსად არ ჩაერთვება, სადაც ენმ იქნება.

პოლიტოლოგი იგორ კვესელავა სკეპტიკურად უყურებს საგარეო საქმეთა მინისტრის განცხადებას, რომ „გარკვეულ ეტაპზე საქართველოსა და აშშ-ის ურთიერთობების გადატვირთვა დღის წესრიგში დადგება და ეს გადატვირთვა პოზიტიური იქნება". ფიქრობს, რომ ამის არავითარი საფუძველი არ არსებობს.

4 ოქტომბრის საქმეზე დაკავებული პოლიტიკოსები ბრალს არ აღიარებენ და ამბობენ, რომ ყველაფერი ხელისუფლების მიერ დადგმული პროვოკაცია იყო - საუბრობენ საბოტაჟზე, განზრახ ჩამოვარდნილ დრონებზე, „არეულ ნავიგციაზე", ამბობენ, რომ ეს დივერსიაა, რომელსაც მომავალში პასუხი უნდა გაეცეს. ყოფილმა გენპროკურორმა მურთაზ ზოდელავამ თქვა, რომ მზადაა ყველა მუხლის აღიარებისთვის, ოღონდ სხვები („ვინც ღობეს ხელი მოჰკიდა") გაუშვან.

ოპოზიციის ნაწილი კვლავ ბოიკოტის რეჟიმში რჩება და პარლამენტში შესვლაზე უარს აცხადებს, ხოლო მმართველი გუნდი დაპირებულ ინიციატივის - „ნაცმოძრაობასთან" ერთად კიდევ ოთხი პარტიის აკრძალვის ერთგული რჩება. რუსთაველის გამზირზე მცირე მასშტაბის პროტესტი გრძელდება, პოლიტიკურ სპექტრში კი „ძალთა ბალანსის" თემა კვლავ აქტუალურად დგას. რას ამბობენ ქართველი ექსპერტები მიმდინარე პროცესებზე და როგორ „პოლიტიკურ ამინდს" უნდა ველოდოთ უახლოეს მომავალში?

ოთხშაბათს, პარლამენტში ინტერპელაციის წესით დაბარებულ პრემიერ-მინისტრ ირაკლი კობახიძეს მოუსმინეს, სხდომა კითხვა-პასუხის რეჟიმში წარიმართა ორ მთავარ საკითხზე - "იგლ ჰილსის" პროექტები საქართველოში და უმაღლესი განათლების მიმართულებით დაგეგმილი რეფორმა.

საქართველოს პრემიერ-მინისტრის, ირაკლი კობახიძის განცხადებით, ქვეყანაში სიღარიბის მაჩვენებელი განახევრდა, რაც ეკონომიკური ზრდის შედეგია, თუმცა სოციალურ დახმარებას იმაზე მეტი ადამიანი იღებს, ვიდრე სიღარიბის ზღვარს მიღმა მცხოვრებ ადამიანთა რეალური რაოდენობაა. ეს პირდაპირი მინიშნებაა, რომ ბაზაში ადამიანთა გარკვეული კატეგორია ზედმეტია და მათ დახმარების არანაირი საჭიროება არ უდგათ. 

თბოელექტროსადგურებისა და ჰესების გამომუშავება შემცირდა, ხოლო მოხმარება ცოტათი გაიზარდა. მიმდინარე წელსაც ტენდენცია არ იცვლება და ელექტროენერგიის მოხმარების კუთხით, ფაქტობრივად, ისივე სიტუაციაა, რაც შარშან იყო. მიუხედავად იმისა, რომ  წლევანდელი წელი მაინცდამაინც კარგი ჰიდროლოგიით არ გამოირჩევა და  წყალუხვობის მხრივ  შემოდგომამაც ვერ გაამართლა, სექტორი ზამთარს მეტ-ნაკლებად მომზადებული ხვდება და თადარიგი წინასწარ დაიჭირეს.

ერთჯერადი გამოყენების პლასტმასის ნივთები იკრძალება. ცვლილების მიზანი ადამიანების ჯანმრთელობის დაცვა და გარემოზე მავნე ზემოქმედების შემცირებაა. სპეციალისტები სკანონმდებლო ცვლილებას დადებითად აფასებენ. ბოლოდროინდელმა კვლევებმა ცხადყო, რომ მსგავსი პროდუქციის გამოყენებას ადამიანების ჯანმრთელობაზე გამოუსწორებელი ზიანის მიყენება შეუძლია, განსაკუთრებით კი ჩვილებზე. ამიტომაც, მისი აკრძალვა გარდაუვალია და აუცილებელია. რაც შეეხება ბაზარზე პლასტმასის ნივთების ჩანაცვლებას, ეს უნდა მოხდეს მინის, ხისა და მუყაოსგან. 

ნავთობის ფასი შეიძლება განახევრდეს და 1 ბარელის ფასი 30 დოლარამდე დავიდეს. ასეთია უმსხვილესი ამერიკული ბანკის - "ჯიპი მორგან ჩეიზის" ანალიტიკური დეპარტამენტის წინასწარი ვარაუდი 2027 წლისთვის. რაც შეეხება 2026 წლის პროგნოზს, ის, საშუალოდ, 53 აშშ დოლარის ფარგლებშია, რაც ამჟამინდელ ფასთან შედარებით 7-8 დოლარით ნაკლებია. უმსხვილესი ამერიკული ბანკის პროგნოზს არ იზიარებენ ეკონომისტები, რომლებიც აცხადებენ, რომ  "ჯიპი მორგანის" პროგნოზი უფრო მკითხაობაა, თანაც კონკრეტული დაშვებით. 

მაღალი ინფლაციის პირობებში ეროვნულ ბანკს რეფინანსირების განაკვეთის გაზრდა მოუწევს. პრობლემა იმდენად მასშტაბურია, რომ თუკი ზომებს დროულად არ მიიღებენ, შეიძლება მერე ვერც მონეტარული პოლიტიკის გამკაცრებამ უშველოს. წინ ზამთარია, იმპორტდამოკიდებულება მატულობს, სურსათი ძვირდება, მოიმატებს დენის გადასახადიც, შესაბამისად, პრობლემა უფრო გამწვავდება.  

21-წლიანი კარიერის ხმაურიანი დასასრული - კვლავ აქტიურად განიხილება სპორტის სასახლეში გიორგი შერმადინის გამოსამშვიდობებელი სიტყვა. კალათბურთელმა უკრაინასთან მატჩის შემდგომ პრემიერ ირაკლი კობახიძეს მადლობა გადაუხადა, რასაც სპორტის სასახლის ტრიბუნიდან სტვენა და შეძახილები მოჰყვა.

აუდიოჩანაწერები, რომლებიც თითქოს ტრამპის მრჩეველ სტივ უიტკოფსა და კრემლის წარმომადგენლებს შორის საგულდაგულოდ დამალულ საუბრებს ასაჯაროვებს, ისევ მსფოლიო მედიის განხილვის ეპიცენტრშია. ვინ და რატომ გაასაჯაროვა სატელეფონო ზარის შინაარსი ამასთან დაკავშირებით გავლენიანი გამოცმები სხვადასხვა ვერსიას ავრცელებენ. ექსპერტები არ გამორიცხავენ, რომ სკანდალური ფინალი პრეზიდენტის იმპიჩმენტამდეც მივიდეს.

უკრაინის მხრიდან ტრამპის სამშვიდობო გეგმაზე თანხმობის შესახებ გავრცელებულმა ინფორმაციამ საერთაშორისო დღის წესრიგი კვლავ დაძაბა: მიუხედავად იმისა, რომ როგორც ამბობენ, კონსენსუსამდე მხოლოდ რამდენიმე დეტალია დარჩენილი, ევროპაში აცხადებენ - სამშვიდობო შეთანხმების შემთხვევაშიც კი, რუსეთი კონტინენტისთვის საფრთხედ დარჩება. ამ ფონზე უკრაინის პრეზიდენტი აშშ-ის პრეზიდენტთან ვიზიტისთვის ემზადება, ხოლო ტრამპი აცხადებს, რომ მისი წარმომადგენელი სტივ უიტკოფი უახლოეს დღეებში მოსკოვში ჩავა, რა ეტაპზეა მოლაპარაკებები და რა საიდუმლო დეტალები იკვეთება კვირის ყველაზე სკანდალური ამბის გარშემო