ია აბულაშვილი
05.03.2020

"რას სთავაზობს ხელისუფლება რეალურად ოპოზიციას? კარები ჩავკეტოთ და ფანჯრიდან გადავიდეთო, ეს არის ვირეშმაკობა და ამიტომ, არ ვიცი, მოხდება თუ არა შეთანხმება"- ასე ეხმაურება პოლიტოლოგი გია ხუხაშვილი ხელისუფლებასა და ოპოზიციას შორის სააარჩევნო სისტემასთან დაკავშირებთი ჩიხში შესულ მოლაპრაკების პროცესს.

მმართველი გუნდი უახლოეს დღეებში საკონსტიტუციო პაკეტს წარადგენს, რომელშიც ე.წ. 40%-იანი პრინციპი იქნება გათვალისწინებული, რომლის მიხედვითაც პარტია, რომელიც ნებსიმიერი კონფიგურაციით მოიპოვებს 40%-ზე ნაკლებს, ვერ შეძლებს დააკომპლექტოს მთავრობა, ანუ მიიღოს 75 მანდატზე მეტი.

ხელისუფლება ოპოზიციას თავაზობს ასევე ორ ვარიანტს 100/50 და 100/40, ასევე ბარიერი თავად ოპოზიციამ დაასახელოს, ოპოზიციისთვის ორივე შეთავაზება მიუღებლია, რადგან მათი აზრით, ხელისუფლების ეს შეთავაზება პროპორციულთან მიახლოებული არ არის. რაც შეეხება ბარიერს, ოპოზიციის დაშლის მცდელობად აფასებს.

"ამბობენ, ხელისუფლება ყველაფერს სთავაზობს და ოპოზიცია არ თანხმდებაო; რა შესთავაზა რეალურად ხელისუფლებამ ოპოზიციას? კარები ჩავკეტოთ და ფანჯრიდან გადავიდეთო - ეს არის ვირეშმაკობა.

"რადგან, ყველა შემთხვევაში 110/40-ზე, ჩამკეტი 40% დამატებით პირობებს საჭიროებს და ყოველთვის რჩება ხვრელები. შეიძლება "ოცნებას" მისი საარჩევნო ბუღალტრები ეუბნებიან, რომ 110/40-ზე არის მათი გადამრჩენი, მაგრამ შეიძლება სწორედ ეს ფორმულა აღმოჩნდეს მათთვის ხაფანგი.

"კი ბატონო, პროექტი შეიტანონ პარლამენტში და დააყენონ კენჭისყრაზე, ვნახოთ რამდენი დაუჭერს მხარს? ხელისუფლებას შეუძლია ხელების გადაგრეხვის პრინციპით მოიგოს არჩევნები, მაგრამ არჩევნებზე აღარ არის საუბარი, არჩევნების შემდგომი პროცესია მაღალი რისკის მატარებელი.

"ამიტომ, როგორ განვითარდება მოვლენები, არჩევნების შედეგების შემდეგ, პროგნოზის გაკეთება რთულია"- განაცხადა "რეზონანსთან" გია ხუხაშვილმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×