სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ნინო მშვიდობაძე
    26.08.2013

    სპეციალურად "მთელი კვირისათვის" ლანჩხუთიდან

    ლანჩხუთში "ეროვნულების" ყოფილი ხელმძღვანელი და ამჟამად "ბურჯანაძე-დემოკრატების" შტაბის წარმომადგენელი გია ფირცხალაიშვილი "მთელ კვირასთან" საუბარში აცხადებს, რომ ლანჩხუთში "ქართული ოცნების" რაიონული ორგანიზაციის ლიდერები კოალიციის საარჩევნო შტაბსა და გამგეობაში იბარებენ იმ ადამიანებს, ვინც "ბურჯანაძე-დემოკრატებთან" გაწევრიანებას აპირებენ და მსგავსი გადაწყვეტილებისგან თავის შეკავებას აიძულებენ.

    თათია ჩაფიჩაძე
    26.08.2013

     პირადი ცხოვრების ამსახველი ვიდეომასალა სავარაუდოდ მიმდინარე კვირაში განადგურდება. ამის შესახებ "მთელ კვირასთან" საუბრისას სახალხო დამცველმა უჩა ნანუაშვილმა განაცხადა. მისივე ინფორმაციით, ამ ეტაპზე მისი გადადების საჭიროება აღარ არსებობს, რადგანაც ყველა არსებული რეკომენდაცია გათვალისწინებულია და გარდა ამისა, ქვეყანაში იმყოფება კომისიის ყველა წევრი.

    თიკო ოსმანოვა
    26.08.2013

    ცესკო-ს თავმჯდომარის ვაკანტურ თანამდებობაზე პრეზიდენტ მიხეილ სააკაშვილის ერთ-ერთი რჩეული კანდიდატი შესაძლოა ამ ორგანიზაციის ყოფილი თავმჯდომარე ლევან თარხნიშვილი იყოს. "სამოქალაქო საზოგადოების დემოკრატიის განვითარების ცენტრის" დირექტორი ლადო ბოჟაძე ამბობს, რომ მან ეს ინფორმაცია არაოფიციალურად გაიგო, თუმცა, არ გამორიცხავს, რომ რეალურადაც ასე მოხდეს. თავად ლევან თარხნიშვილი კი ამ ინფორმაციას არასერიოზულს უწოდებს.

    სალომე სარიშვილი
    26.08.2013

    პარლამენტის მიერ განხორციელებულ მასობრივად ამნისტირებულ პატიმრებს ნასამართლობის მოხსნას პრეზიდენტი სთავაზობს. ეს გადაწყვეტილება მიხეილ სააკაშვილმა გასულ კვირას გამოაცხადა. პრეზიდენტის აქტი უკვე ძალაშია, რომლის თანახმადაც პირობითი მსჯავრისა და ნასამართლობის მოხსნის მსურველებს პრეზიდენტის ადმინისტრაციაში განაცხადის შეტანა შეუძლიათ.

    მაია აბაიაძე
    26.08.2013

     ე.წ. სამხრეთ ოსეთის პრეზიდენტის ლეონიდ თიბილოვის მიერ გავრცელებული ინფორმაციით, სამხრეთ ოსეთის ყოფილი მაღალჩინოსნები, მათ შორის ექსმინისტრები და მათი მოადგილეები, თანხების მითვისების გამო ინტერპოლით იძებნებიან. საუბარია თანხებზე, რომლებიც რუსეთის ხელისუფლებამ რეგიონში აღდგენითი სამუშაოებისთვის გამოყო. 5 წლის განმავლობაში (2008-2013 წლებში), სხვადასხვა მონაცემებით, მოსკოვიდან სულ გადარიცხული იყო 34-37 მილიარდ რუბლი (დაახლოებით 1,7-1,85 მილიარდი ლარი). თიბილოვის განცხადებით, ამ საკითხთან დაკავშირებით 70 საქმეა აღძრული, 9 ადამიანს კი ინტერპოლი ეძებს.

    თათია ჩაფიჩაძე
    26.08.2013

    პერსონალურ მონაცემთა დაცვის ინსპექტორი კომპანიებს მომხმარებლისთვის სარეკლამო მოკლე ტექსტური შეტყობინებების გაგზავნის საკითხის გადახედვისკენ მოუწოდებს და ამ მიმართულებით კონსულტაციებს სთავაზობს.

    თათია ჩაფიჩაძე
    26.08.2013

    რუსეთის მიერ აფხაზეთისა და ე.წ. სამხრეთ ოსეთის აღიარებიდან 5 წელი შესრულდა, თუმცა, ამ ხნის მანძილზე რუსეთ-საქართველოს შორის წარმართულ დიპლომატიურ ბრძოლას ხელჩასაჭიდი ცვლილებები არ მოჰყოლია. უფრო მეტიც, პოლიტოლოგები მიიჩნევენ, რომ ბოლო თვეების განმავლობაში დიპლომატიური ბრძოლა მნიშვნელოვნად შესუსტდა, რამაც რუსეთის ხელისუფლებას "კიდევ უფრო მეტი თავხედობის" საშუალება მისცა.

    ია აბულაშვილი
    26.08.2013

    1924 წლის აგვისტოს აჯანყებიდან 89 წელი გავიდა და დღესაც ისტორიკოსები თვლიან, რომ ეს იყო ყველაზე მასშტაბური ბრძოლა საქართველოს ეროვნულ-სახელმწიფოებრივი დამოუკიდებლობის აღსადგენად და ყველაზე მასშტაბური საყოველთაო სახალხო შეიარაღებული გამოსვლა საბჭოთა ხელისუფლების წინააღმდეგ საქართველოში.

    თამთა ვირსალაძე
    24.08.2013

    ორშაბათს დაგეგმილ სხდომაზე, თბილისის საკრებულო კორპუსების ამხანაგობების თავმჯდომარეებისათვის ხელფასების შეწყვეტის საკითხს განიხილავს. საკრებულოს უმრავლესობის განცხადებით, გამოთავისუფლებული მილიონები დედაქალაქში ავარიული სახლების შეკეთებას უნდა მოხმარდეს.

    ია აბულაშვილი
    24.08.2013

    საარჩევნო კამპანია უფრო პრესის ფურცლებს ეტყობა, ვიდრე საპრეზიდენტო კანდიდატებს; მათი პირველი შეხვედრები ამომრჩეველთან კი ისეთ შთაბეჭდილებას ტოვებს, რომ ისევ იმ ტექნოლოგიებს იყენებენ, რასაც საფუძველი 90-იან წლებში ჩაეყარა. ასე ფიქრობენ ექსპერტები, რომელთაც "რეზონანსმა" საარჩევნო კამპანიის საწყისი ეტაპის შეფასება სთხოვა.

    მაია აბაიაძე
    24.08.2013

     ცხინვალის რეგიონში რუსმა "მესაზღვრეებმა" გუშინ კიდევ 3 ადამიანი დააკავეს - სოფელ ზეღდულეთის მცხოვრებლები, ცოლ-ქმარი ნანა ვანიშვილი, ალექსანდრე ცერცვაძე და ირაკლი მერებაშვილი.

    სალომე სარიშვილი
    24.08.2013

     2 კვირის წინ კასპის რაიონში მუნიციპალიტეტის გამგებელსა და არასამთავრობო ორგანიზაცია "ქართული სოფლის" დამფუძნებელს შორის სიტყვიერი და ფიზიკური შეურაცხყოფა მოხდა, რის გამოც ორგანიზაციის დამფუძნებელმა, ვახტანგ ბეჟიტაშვილმა რაიონის გამგებელს სასამართლოში უჩივლა და მისი გადადგომა მოითხოვა. თუმცა, კასპის გამგებელი ოლეგ იაძე "რეზონანსთან" საუბრისას ინფორმაციას მისი გადადგომის შესახებ არ ადასტურებს და ამბობს, რომ განცხადებას გადადგომის შესახებ მხოლოდ მასზე უკეთესი კანდიდატურის წარდგენის შემთხვევაში დაწერს.


    Copyright © 2006-2019 by Resonance ltd. . All rights reserved
    ×