ელზა წიკლაური
11.03.2015

"ქამრების შემოჭერა" იწყება, მაგრამ როგორც ქვეყნის მთავარი ფინანსისტი აცხადებს, ეს საბიუჯეტო სექტორში დასაქმებულთა ხელფასებს არ შეეხება. შესაბამისად, იმის ალბათობა, რომ წელსაც, შარშანდლის ანალოგიურად ჩინოვნიკები პრემია-დანამატის სახით საკმაოდ სოლიდურ თანხას აიღებენ, რეალურად არსებობს. თანაც 2015 წლის ბიუჯეტის მიხედვით, შარშანდელთან შედარებით, სახელფასო ფონდი თითქმის 90 მლნ ლარითაა გაზრდილი.

მაკა ხარაზიშვილი
10.03.2015

 5 მარტს ეროვნულმა ბანკმა 900 მილიონი ლარის რეფინანსირების სესხი გასცა. ხაზგასასმელია, რომ აქედან 200 მილიონი ლარი მუდმივმოქმედი სესხია. შედეგად, ძლივს ცოტათი გამყარებული ლარი ისევ გაუფასურდა. სპეციალისტების აზრით, სასწრაფოდ უნდა შეიქმნას ანტიკრიზისული კომიტეტი, სადაც მთავრობის წევრებთან ერთად ეროვნული ბანკიც შევა, ხოლო კომიტეტს ექნება უფლება, დააკვირდეს სავალუტო აუქციონებს და მიიღოს დეტალური ინფორმაცია როგორ ყალიბდება კურსი.

ელზა წიკლაური
10.03.2015

 საქართველოს მოსახლეობას 2015 წელს ხელფასის ზრდის იმედი არ უნდა ჰქონდეს. ამაზე მეტყველებს "რეზონანსის" ვებ-გვერდზე ჩატარებული გამოკითხვის შედეგებიც, რომლის მიხედვით, წელს რესპონდენტების თითქმის 64%-ს ხელფასი შეუმცირდა, აქედან 34,6%-ს "მკვეთრად". ამავე გამოკითხვის შედეგებით, წლეულს ანაზღაურება მხოლოდ 12%-ის გაეზარდა. სპეციალისტების პროგნოზით კი, წელს დასაქმებულების ხელფასი გაიზრდება, თუმცა მხოლოდ ნომინალურად.

ელზა წიკლაური
10.03.2015

ლარის დევალვაციის შედეგად სავაჭრო ობიექტების ნაწილი უკვე დაიხურა. იმ შემთხვევაში, თუ ეროვნული ვალუტა გამყარებას არ დაწყებს, გამორიცხული არ არის, რომ მათი ბედი მცირე და საშუალო საწარმოებმაც გაიზიარონ. ინდმეწარმეებს ჯერჯერობით თავი პროდუქციის გაძვირებით გააქვთ, სპეციალისტები კი გამოსავალს გადასახადის შემცირებაში ხედავენ, წინააღმდეგ შემთხვევაში, ეკონომიკური აქტივობის კიდევ უფრო შენელებას პროგნოზირებენ.

მარი ჩიტაია
10.03.2015

წლის ბოლომდე ლუდის კომპანიებისა და ალკოჰოლური სასმელების ბაზარი 10%-ის ფარგლებში შემცირდება. მეწარმეების ვარაუდით, პროდუქტის გაძვირება, რის გადაწყვეტილებაც მათ აქციზის გაზრდილი გადასახადის გამო მიიღეს, რეალიზაციას შეამცირებს.

მაკა ხარაზიშვილი
10.03.2015

მთავრობას ინვესტორები არ სწყალობენ. ეკონომიკის სამინისტროს მიერ შექმნილი საპრივატიზაციო ობიექტების ნუსხიდან აუქციონზე მხოლოდ 2 ობიექტია გამოტანილი. დანარჩენი ქონების მყიდველი ჯერჯერობით არ გამოჩენილან. არადა, მთავრობის ეკონომიკურ გუნდს 2-3 თვეში მსხვილი ობიექტების გაყიდვიდან 350 მილიონ დოლარის მიღებისა და ლარის გამყარების იმედი აქვს.

მაკა ხარაზიშვილი
07.03.2015

2014 წლის მე-4 კვარტალში საწარმოთა მთლიანი ბრუნვა გაიზარდა. თუმცა, მსხვილი ბიზნესის წილი ისევ 80%-მდეა, ხოლო საშუალო და მცირე ბიზნესი 20%-ს იყოფს.

მარი ჩიტაია
07.03.2015

შარშანდელთან შედარებით, სიმინდი 33%-ით გაიაფდა. ამის მიზეზად სიმინდის იმპორტის მკვეთრი ზრდა სახელდება. ამ ეტაპზე 1 ფუთი სიმინდის ფასი 10 ლარია, შარშან ამ დროს კი მისი ფასი 15 ლარი იყო.

მარი ჩიტაია
07.03.2015

იჯარის გადასახადის ზრდამ სავაჭრო სექტორს პრობლემა შეუქმნა. მაღაზიების დახურვის ფაქტები, რაც ბოლო დროს გახშირდა, სავაჭრო სფეროს კრიზისს ადასტურებს. ცოტა ადრე თუ ტენდენცია ტანსაცმლის ბიზნესზე აისახებოდა, უკვე სუპერმარკეტებსაც შეეხო.

მაკა ხარაზიშვილი
06.03.2015

საერთაშორისო სავალუტო ფონდის რეკომენდაციას გადასახადების გაზრდასთან დაკავშირებით მთავრობა არ იზიარებს. ეკონომისტები კი სსფ-ს რჩევას მკვეთრად უარყოფითად აფასებენ და აღნიშნავენ, რომ გადასახადების გაზრდა ქვეყნის ეკონომიკას საბოლოოდ დაასამარებს.

მარი ჩიტაია
06.03.2015

მარტის დასაწყისში თხილის ფასი ისტორიულ რეკორდამდე ავიდა და შემდეგ ერთბაშად დაეცა. 12 ლარიდან ერთ-ერთი ყველაზე მოთხოვნადი პროდუქტი უცებ 8 ლარამდე გაიაფდა. 3-4 დღის წინათ 1 კგ თხილს გადამამუშავებელი ქარხნები 12 ლარად იბარებდნენ.

ელზა წიკლაური
06.03.2015

 ქართული ლარი ყველაზე მერყევი ვალუტაა. ბოლო 3 კვირის განმავლობაში რუსულ რუბლსაც, აზერბაიჯანულ მანათსაც, თურქულ ლირასაც და სომხურ დრამსაც აშშ დოლართან მიმართებაში მკვეთრი ცვლილება არ განუცდია. რყევას მხოლოდ ლარი განიცის და ისიც საკმაოდ ძლიერს. თუ ერთი კვირის წინათ 1 დოლარი 2,26 ლარი ღირდა, გუშინწინ კურსი 2,10-მდე გამყარდა, გუშინ კი ისევ გაუფასურდა და თანაც ერთბაშად 4 პუნქტით.


Copyright © 2006-2020 by Resonance ltd. . All rights reserved
×