მაკა ხარაზიშვილი
21.11.2014

საქართველოში ნახევარფაბრიკატების გამოყენება სახიფათოა. სურსათის ეროვნულმა სააგენტომ 28 სახეობის ნახევარფაბრიკატის მწარმოებელი საწარმო შეამოწმა და თითქმის ყველა საწარმოში დარღვევები აღმოაჩინა - ზოგან მსუბუქი, ზოგან კრიტიკული.

ელზა წიკლაური
21.11.2014

აზერბაიჯანში ახალი რეგულაციების ამოქმედების შედეგად ავტომობილების იმპორტი 40%-ით შემცირდა. სომხეთში კი, რომელიც უკვე 2015 წლის 1-ლი იანვრიდან ევრაზიული კავშირის წევრი ხდება, იმპორტი, პირიქით, 1,3-ჯერ გაიზარდა. ორივე ქვეყანაში ავტომობილები, ძირითადად, საქართველოდან შედის, შესაბამისად, მეზობელი ქვეყნების ბაზარზე არსებული სიტუაცია ქართული ექსპორტის მაჩვენებელზეც მნიშვნელოვნად აისახა.

მარი ჩიტაია
20.11.2014

რეგიონებში შეშა გაძვირდა. მიუხედავად იმისა, რომ დეფიციტი არსად იგრძნობა, ხალხს შეშის ყიდვა ძვირად უწევს. სექტემბერ-ოქტომბერში 10 კბ/მ შეშის ყიდვა თუ 350 ლარად იყო შესაძლებელი, ამ ეტაპზე 400 ლარზე ნაკლებად არსად იშოვება, ხოლო შეშის მაქსიმალური ღირებულება 700 ლარს აჭარბებს.

ელზა წიკლაური
19.11.2014

ხელსუფლება გახასახადების გაზრდის გზას ადგას, ძირითადად, აქციზის განაკვეთის მატების ხარჯზე. 2012 წელთან შედარებით, აქციზიდან 43%-ით მეტ შემოსავალს ელიან. ერთია სურვილი, მეორე - შესაძლებლობა. თუ გადასახადების განაკვეთის ზრდა ასეთი ტემპით გაგრძელდა, საბიუჯეტო შემოსავლები მატების ნაცვლად, შემცირდება.

მაკა ხარაზიშვილი
19.11.2014

ირანის შემდეგ საქართველოს სატრანზიტო დერეფნით სარგებლობა ავღანეთმა და თურქმენეთმაც გადაწყვიტეს. სპეციალისტები აღნიშნავენ, რომ დერეფნის დატვირთვა ქვეყნის ეკონომიკას მხოლოდ წაადგება, თუმცა, პრობლემაა ის, რომ საქართველოს გზების გამტარუნარიანობა როგორც დასავლეთის, ისე ჩრდილოეთის მიმართულებით ძალიან დაბალია.

მაკა ხარაზიშვილი
18.11.2014

 წლის ბოლოსთვის ლარის კიდევ უფრო გაუფასურებაა მოსალოდნელი. საამისოდ რამდენიმე მიზეზი სახელდება: ნოემბრ-დეკემბერში ტრადიციულად, მიმოქცევაში ეროვნული ვალუტის დიდი რაოდენობით გამოსვლა, ასევე საქართველოში უცხოური თანხის შემოდინების შემცირება. ექსპერტები აღნიშნავენ, რომ ქვეყანა ვერც ინვესტიციის სიმრავლით დაიკვეხნის, გარდა ამისა შემცირებულია ფულადი გზავნილიც.

მარი ჩიტაია
18.11.2014

საქართველოს მასშტაბით, სამასალე ხის დეფიციტი აშკარაა. ქართველი მეტყევეები პრობლემას მისი მოპოვების სირთულეს უკავშირებენ და აცხადებენ, რომ ბოლო ორი წელია, ქვეყანაში სამასალე ხის მოპოვება ჭირს. ამან, თავის მხრივ, ფასზეც მოახდინა გავლენა.

მაკა ხარაზიშვილი
18.11.2014

კომუნალურ ვაუჩერებთან დაკავშირებული გაურკვევლობა გრძელდება. მერიაში აცხადებენ, რომ ვაუჩერი ჩვეულებრივ მოქალაქეებსაც შეუნარჩუნდება, თუმცა პარალელურად ამბობენ, რომ ამ დახმარებას ყველა ვერ მიიღებს. ამ ყველაში ვინ იგულისხმება, ასევე გაურკვეველია. საკრებულოს ნაციონალური ფრთა ირწმუნება - სოციალური სტატუსის არ მქონე პირებისთვის ვაუჩერის მოცულობა განახევრებულია. ბიუჯეტის პროექტის ნახვა კი მერიის ვებ-გვერდზე შეუძლებელია.

მარი ჩიტაია
15.11.2014

კომპიუტერული ტექნიკის მაღაზიებს რეალიზაცია გაუნახევრდათ. კომპანიებში აცხადებენ, რომ პრობლემები აქვთ და არ არის გამორიცხული, ზოგ მათგანს საქმიანობის შეჩერებაც მოუხდეს.

მაკა ხარაზიშვილი
15.11.2014

"ყაზტრანსგაზ-თბილისში" ყაზახური მენეჯმენტის დაბრუნების დრო ბოლომდე გადაწყვეტილი ჯერ კიდევ არ არის. "ყაზტრანსგაზში" იმედი აქვთ, რომ კომპანიაში მალე დაბრუნდებიან, ვინაიდან მათ "საქართველოს ბანკმა" ვალი ჩამოაწერა, ხოლო სახელმწიფო დავალიანების რესტრუქტურიზაცია მოახდინა. "საქართველოს ბანკში" ვალის ჩამოწერას უარყოფენ, ხელისუფლება კი არც რესტრუქტურიზაციაზე აკეთებს განცხადებას.

მარი ჩიტაია
14.11.2014

2014 წელს ტურისტების რაოდენობა საქართველოში შარშანდელ მაჩვენებელს გაუტოლდება. მთავრობის პროგნოზი არ გამართლდა და ამ სფეროში წინსვლა თითქმის არ გვაქვს.

ელზა წიკლაური
13.11.2014

საქართველოს ბიუჯეტის დაახლოებით 36% ხელფასებს, პენსიებსა და სოციალურ დახმარებებს ხმარდება. 2015 წლის 9,5 მლრდ-იანი ბიუჯეტის მიხედვით, სახელმწიფო გასაცემლების ამ კომპონეტზე სულ 3,4 მლრდ ლარია გათვალისწინებული. იმის გამო, რომ ქვეყნის მთავარი ფინანსური დოკუმენტი უკვე წლებია სოციალურად ორიენტირებულია, ექსპერტების ერთი ნაწილი ბიუჯეტიდან აღნიშნულ მიმართულებებზე გასაცემი თანხის ასეთ დიდ მოცულობაში უცნაურს ვერაფერს ხედავს. მეორე ნაწილი კი ბიუჯეტს ხელფასის ნაწილში აკრიტიკებს. მათი აზრით, უმჯობესი იქნებოდა რესურსი სხვა სოციალურ-ეკონომიკური პროექტებზე გადანაწილებულიყო.


Copyright © 2006-2020 by Resonance ltd. . All rights reserved
×