მარი ჩიტაია
18.09.2014

რეგიონებში თხილის კრეფა დასრულდა. დასავლეთ საქართველოს უმეტეს რაიონებში მოსახლეობამ მოსავალი უკვე აიღო და რეალიზაციისთვის სამზადისსაც შეუდგა. იშვიათი გამონაკლისის გარდა, წლეულს თხილის უხვი მოსავალია, ხოლო ფასმა ამ სეზონის ყველა რეკორდი მოხსნა.

თეა ბეჟიტაშვილი
17.09.2014

გუშინ თბილისის საკრებულოს დეპუტატებმა 2014 წლის ბიუჯეტში ცვლილებების შეტანას მხარი დაუჭირეს. დეპუტატებმა დღის წესრიგით გათვალისწინებულ რამდენიმე საკითხზე, მათ შორის თბილისის 2014 წლის ბიუჯეტში ცვილებების შეტანის თაობაზე იმსჯელეს.

მაკა ხარაზიშვილი
17.09.2014

მსოფლიოში, უკვე რამდენიმე თვეა, შაქარი და ხორბალი იაფდება. საქართველოში კი ამ უმნიშვნელოვანესი სამომხმარებლო პროდუქტის გაიაფებას საშველი არ დაადგა. შაქრის ფასი უცვლელია, 1 ტომარა ფქვილის ღირებულებამ მხოლოდ 2-3 ლარით იკლო, თუმცა პურს ეს ფასთაცვლილება არ შემჩნევია. სპეციალისტების განცხადებით, ორივე პროდუქტი აზერბაიჯანული მონოპოლიის წნეხის ქვეშაა. ისინი საქართველოში შაქრის ბაზრის დაახლოებით 75%-ს აკონტროლებენ, ხოლო ხორბლის ბაზრის, დაახლოებით, 80%-ს.

მარი ჩიტაია
16.09.2014

ბაზრობებსა და ბავშვთა ტანსაცმლის მაღაზიებში მომხმარებლის კლებაზე საუბრობენ. წელს განსაკუთრებული შემთხვევაა, როცა ახალი სასწავლო სეზონის დაწყება ამ ბიზნესზე დადებითად არ აისახა.

მარი ჩიტაია
16.09.2014

 წელს ციტრუსის მოსავლის ოდენობა შემცირდება. შარშანდელთან შედარებით, მთელ აჭარასა და გურიაში ნაკლებ მოსავალს ელიან. აჭარის სოფლის მეურნეობის სამინისტროში აცხადებენ, რომ რეგიონი 60 000 ტონა ციტრუსის მოსავალს მიიღებს, რაც გასულ წლის მაჩვენებელს 20 000 ტონით ჩამორჩება.

ელზა წიკლაური
16.09.2014

რუსეთის ეკონომიკა თავქვე მოექანება. დასავლეთის მიერ დაწესებული მორიგი სანქციების შემდეგ, რუბლის კურსი ისტორიულ მანიმუმამდე დაეცა, შემცირდა საფონდო ბირჟაზე აქციების ფასიც. საერთაშორისო სარეიტინგო სააგენტოების პროგნოზით, რუსეთის ოქროს რეზერვები 383 მლრდ დოლარამდე შემცირდება, "ფიჩის" პროგნოზით კი წლის ბოლომდე რუსეთიდან მთლიანად 120 მლრდ დოლარის კაპიტალი გავა. სანქციების გახანგრძლივების შემთხვევაში, შესაძლოა, ქვეყანა დეფოლტის წინაშეც აღმოჩნდეს.

მარი ჩიტაია
13.09.2014

საქართველოში სასოფლო-სამეურნეო დანიშნულების მიწების მიმართ უცხოელი ინვესტორების ინტერესი შესუსტდა. საქართველოს მთავრობაში ამის მიზეზად მიიჩნევა არასტაბილურობის განცდა, რომელიც ინვესტორების ერთ ჯგუფს საქართველოში მიმდინარე პროცესების გამო გაუჩნდა.

მაკა ხარაზიშვილი
12.09.2014

2014 წლის მე-2 კვარტალში ქართული ეკონომიკის ორ მნიშვნელოვან სექტორში - ენერგეტიკა და მშენებლობა, უცხოური ინვესტიციები მცირდება. არადა, მთავრობის წევრების განცხადებების მოხედვით, ყველაზე მეტი კაპიტალი სწორედ ამ სექტორებს უნდა მიეღოთ. იგეგმებოდა ახალი ჰესებისა და ტურიზმის განვითარების კუთხით სასტუმროების მშენებლობა.

ელზა წიკლაური
12.09.2014

კახეთი, სამეგრელო, აჭარა, მცხეთა-მთიანეთი, სვანეთი და ახლა უკვე რაჭა - სტიქიამ, რომელიც წელს საქართველოს თითქმის ყველა რეგიონს რამდენჯერმე დაატყდა თავს, მოსახლეობა სერიოზულად აზარალა. ხანგრძლივმა უამინდობამ და გვალვამ მძიმე შედეგი მოიტანა - განადგურდა სასოფლო-სამეურნეო სავარგულები, ვენახები, დაიტბორა სახლები და მნიშვნელოვნად დაზიანდა ინფრასტრუქტურა.

მაკა ხარაზიშვილი
11.09.2014

საერთაშორისო ბაზრებზე საწვავის გაიაფების ტენდენცია გრძელდება. საქართველოში მოქმედი ნავთობკომპანიების ხელმძღვანელები ამ პროცესებს ვერ ამჩნევენ. 1 ლიტრი ბენზინის საბითუმო ღირებულება მაქსიმუმ 1,71 ლარია. ეს ნიშნავს, რომ საქართველოში საბითუმო და საცალო ფასს შორის სხვაობა უკვე 40 თეთრია. ასეთი მაღალი მარჟა წინა ხელისუფლების მმართველობის პერიოდშიც კი არ ყოფილა.

მარი ჩიტაია
11.09.2014

რეგიონებში კაკლისა და წაბლის მოსავალი პრაქტიკულად არ არის. დიდი ალბათობით, ეს პროდუქტები საგრძნობლად გაძვირდება, რისი ტენდენციაც უკვე შეიმჩნევა. ამ ეტაპზე 1 კგ ნიგვზის ფასი 16-18 ლარის ფარგლებშია და საახალწლოდ, შესაძლოა, 25 ლარსაც გადააჭარბოს. მოვაჭრეები ფიქრობენ, რომ წელს ფასი რეკორდულ მაჩვენებელს მიაღწევს.

მარიამ აფციაური
11.09.2014

ტურისტული კომპანიების ნაწილი ღვინის ტურიზმის მიმართ ინტერესის კლებაზე, ზოგი კი ზრდაზე საუბრობს. ორივე მხარის მტკიცებით, სხვაობა, საშუალოდ, 20%-ია. კომპანიების წარმომადგენთა თქმით, ძირითადად, კლიენტები უცხოელები არიან. რაც შეეხება ქართველებს, ისინი ღვინის ტურებს მაინცდამაინც არ ეტანებიან და მსგავს მარშრუტებს თავად აწყობენ.


Copyright © 2006-2020 by Resonance ltd. . All rights reserved
×