მარი ჩიტაია
29.07.2014

უამინდობამ საზამთროს მოსავალზე ცუდად იმოქმედა. მისი საერთო რაოდენობა 1 მილიონ ტონამდეც არ არის, როდესაც შარშან გლეხებმა 3 მილიონი ტონა საზამთრო მოიწიეს. ნათესი ფართობის მოცულობა განახევრდა.

ელზა წიკლაური
29.07.2014

1-ლი სექტემბრიდან პენსიონერთა და სტუდენტთა ჯანდაცვის დაზღვევას სადაზღვევო კომპანიების ნაცვლად, სახელმწიფო უზრუნველყოფს. კომპანიებისთვის ამ კატეგორიის ბენეფიციართა დაზღვევის ჩამორთმევა მათთვის განკუთვნილ სახელმწიფო პრემიას ნულამდე დაიყვანს. იმის გამო, რომ სადაზღვევო კომპანიების დიდი ნაწილი ფინანსებს სწორედ სახელმწიფო პროგრამებიდან იღებდა, ჟურნალისტური კვლევის ცენტრის გათვლებით, გამორიცხული არ არის, სახელმწიფო დაზღვეულების მთლიანად ჯანდაცვის პროგრამაში გადასვლამ ზოგიერთი კომპანიის ლიკვიდობას საფრთხე შეუქმნას.

მარი ჩიტაია
29.07.2014

სამშენებლო კომპანია "მოდულის" მობინადრეები დამთავრებულ ობიექტში ვერ სახლდებიან. ქართულ სამშენებლო ბიზნესში ამ კომპანიის საქმიანობა ნამდვილად პარადოქსია. როდესაც სხვები დაუმთავრებელი მშენებლობების დასრულებას ვერ ახერხებენ, "მოდული" ჩასაბარებლად გამზადებულ ობიექტსაც ვერ პატრონობს.

მარი ჩიტაია
29.07.2014

ტანსაცმლის უცხოური ბრენდებისთვის საქართველოს ბაზარი დიდად მიმზიდველი არ არის. რამდენიმე კომპანია ქართულ ბაზარს არასტაბილურად მიიჩნევს და პოზიციების დათმობას ამჯობინებს. ხდება პირიქითაც და ცნობილი ბრენდები საქართველოში ადგილის დამკვიდრებას ცდილობენ, ზოგიც - ქსელს აფართოებს.

ელზა წიკლაური
26.07.2014

ინტერნეტის ხარისხსა და მაღალ ფასზე რიგითი მომხმარებლების შემდეგ უკვე არასამთავრობო სექტორიც ალაპარაკდა და, შესაბამისად, კომუნიკაციების მარეგულირებელი კომპანიისგან ინტერნეტ მომსახურებაზე ტარიფის ზედა ზღვარის დადგენა მოითხოვა. კომუნიკაციების მარეგულირებელ კომისიაში კი ამბობენ, რომ პრობლემის შესახებ მათთვის ცნობილია და უახლოეს მომავალში ამ მიმართულებით აქტიურ მუშაობას დაიწყებენ.

მარი ჩიტაია
25.07.2014

აზერბაიჯანში ექსპორტის გაზრდას ქართული ავტობაზრისთვის პრობლემები არ შეუმსუბუქებია. ავტოდილერების ინფორმაციით, რეალიზაციის ზრდა მოხდა მოგების მარჟის შემცირების ხარჯზე და მდგომარეობა ამ ბიზნესში თითქმის არ შეცვლილა. ავტომობილების ბიზნესი საქართველოში კვლავ გასაჭირშია და ის თანდათან კარგავს პოზიციას.

ელზა წიკლაური
24.07.2014

კომერციული ბანკების მოგება ერთი წლის განმავლობაში 25,8%-ით გაიზარდა, ბოლო 5 წლის განმავლობაში კი, დაახლოებით, 415%-ით. თუ 2013 წლის იანვარ-ივნისში ბანკების მოგება 152,9 მლნ ლარი იყო, 2014 წლის იმავე პერიოდში წმინდა მოგებამ 192,4 მლნ ლარი შეადგინა. კომერციული ბანკების მოგების ზრდას ექსპერტთა ერთი ნაწილი ბანკების პორტფელის რაციონალურად მოწყობას უკავშირებს. მეორე ნაწილი კი თვლის, რომ ბანკების მოგების გაზრდა ინფლაციამ და სავალუტო რყევამ გამოიწვია.

ელზა წიკლაური
23.07.2014

მალაიზიური ავიალაინერის კატასტროფის შემდეგ რუსეთის საფონდო ბირჟაზე აქციების ფასი ყოველდღიურად ეცემა. ქვეყნიდან გადის უცხოური ინვესტიციები, მცირდება უცხოური სავალუტო რეზერვებიც. რუბლის დაცემის თავიდან აცილების მიზნით, ცენტრალურმა ბანკმა ბოლო რამდენიმე თვეში უკვე 15 მლრდ დოლარი გამოიტანა გასაყიდად. "ბლუმბერგის" ანალიტიკოსების პროგნოზით, იმ შემთხვევაში, თუკი დასავლეთი რუსეთის წინააღმდეგ სანქციების მესამე ეტაპს აამოქმედებს, ქვეყანა დეფოლტის წინაშე აღმოჩნდება.

ელზა წიკლაური
22.07.2014

6 თვის ბიუჯეტის შესრულებას 126 მილიონი ლარი დააკლდა. ამჯერადაც ბიუჯეტის გარღვევის მიზეზი გრანტები და კრედიტებია. "ბიზნეს-რეზონანსის" ინფორმაციით, 6 თვის მონაცემებით, ქვეყანაში დაგეგმილი გრანტების 47,09% შემოვიდა, ხოლო საგარეო ვალდებულებების კუთხით - 53,2%.

მარი ჩიტაია
22.07.2014

ოქროს ფასი, მცირე რყევების მიუხედავად, სტაბილურობას ინარჩუნებს. რადიკალურად განსხვავებულია საფასო ტენდენცია, რაც საერთაშორისო და ადგილობრივ ბაზრებზე ძვირფასი ლითონის ღირებულებას ასახავს.

მარი ჩიტაია
19.07.2014

საქართველოს ავიაკომპანიებს ტარიფების გადახედვა მოუწევთ. საჰაერო მარშრუტების ცვლილებებთან დაკავშირებით რამდენიმე მიმართულებით ფასი 5-15%-ის ფარგლებში გაიზრდება. ცვლილებები ძირითადად ჩრდილოეთისა და ცენტრალური ევროპის ქალაქების რეისებს შეეხება, რომლებთანაც საჰაერო მიმოსვლა დონეცკში მომხდარი ავიაკატასტროფის გამო გახანგრძლივდა.

მარი ჩიტაია
19.07.2014

საქართველოში 2 და 3-ვარსკვლავიანი სასტუმროების სეგმენტში მნიშვნელოვანი ჩავარდნაა. სპეციალისტები ხელისუფლებას ურჩევენ, სასტუმროების ეს ქსელი განავითარონ, რადგან მხოლოდ ელიტური ბიზნესი ქვეყანაში ტურისტებს ვერ მოიზიდავს.


Copyright © 2006-2020 by Resonance ltd. . All rights reserved
×