სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ელზა წიკლაური
    19.05.2012

    საბერძნეთის ფაქტორის გამო ევროზონის კრიზისი ჯერჯერობით დაძლეული არ არის. იმ შემთხვევაში, თუ ოფიციალურმა ათენმა ევროზონის დატოვება გადაწყვიტა, გამორიცხული არ არის, ევროპაში კრიზისმა დომინოს ეფექტი მიიღოს. როგორც ევროკომისარი კარელ დე გიუხტი აცხადებს, ასეთი საშიშროების თავიდან აცილება შესაძლებელია და ამაზე ექსპერტები აქტიურად მუშაობენ.

    მარი ჩიტაია
    19.05.2012

    დაგვიანებული თოვლის გამო, საქართველოს ზამთრის კურორტებზე სეზონი ტურისტების სიმცირით დაიწყო და ასევე დამთავრდა. შედეგი ჯერჯერობით უცნობია. რაც არ უნდა საკვირველი იყოს, ტურიზმის ეროვნულ სააგენტოში ამის შესახებ ჯერჯერობით არაფერი იციან. როგორც ჩანს, წლევანდელი სეზონზე საქმე თავმოსაწონად არ ჰქონიათ და დუმილს არჩევენ. ძნელია სხვა ახსნა მოეძებნოს ფაქტს, რომ ცენტრალურ უწყებაში ზამთრის ტურიზმის შედეგები "მხოლოდ ორმა ადამიანმა იცის" - თავმჯდომარემ და მოადგილემ. მათ შორის პირველი უცხოეთში იმყოფება, ხოლო მეორე შეხვედრებზეა და მოუცლელობის გამო სატელეფონო ზარს ვერ პასუხობს.

    მაკა ხარაზიშვილი
    18.05.2012

     სოლიდური ვალების მქონე "საქართველოს რკინიგზის" აქციების 25%-ს ლონდონის საფონდო ბირჟაზე 24 მაისს განათავსებენ. სპეციალისტების განცხადებით, ამ დღეს ყველაზე მეტად რუსეთი ელის, ვინაიდან სომხეთის რკინიგზის ყიდვის შემდეგ, აზიის სარკინიგზო მარშრუტს საქართველოს რკინიგზის გარეშე ვერ გახსნიან. რკინიგზაზე პოლიტიკური ინტერესის არსებობის გამო, ექსპერტები მთავრობას თავშეკავებისკენ მოუწოდებენ.

    მარი ჩიტაია
    18.05.2012

    უცხოური ბანკებისთვის ქართული ბაზარი კვლავაც არამიმზიდველია. შეიძლება იმიტომაც, რომ ჩვენი საბანკო სექტორი საკმაოდ გაჯერებულია, ხოლო ბაზარი ერთობ მცირე. არ არის გამორიცხული, მსხვილი მოთამაშეები საქართველოში შემოსვლისაგან თავს ამიტომაც იკავებდნენ.

    მაკა ხარაზიშვილი
    17.05.2012

    ფინანსთა სამინისტრომ ფასიანი ქაღალდების ემისიის გემას 90 მილიონი ლარით გადააჭარბა. შიდა ვალის ზრდა ისე გადაწყდა, რომ სახელმწიფო ბიუჯეტში ცვლილებები არ შესულა. ფინანსთა სამინისტროს მოკლევადიანი სახაზინო ვალდებულებების გაყიდვა აღარ აკმაყოფილებს, ამიტომ ეროვნული ბანკის აუქციონებზე, ძირითადად, კუპონური ობლიგაციები იყიდება, რომლის მაქსიმალური ვადა 10 წელია და საშუალო საპროცენტო განაკვეთი 12%-ს აღწევს.

    მაკა ხარაზიშვილი
    16.05.2012

    მთავრობა საშემოსავლო გადასახადის შემცირებას ვერ თმობს. საშემოსავლო გადასახადი 2%-ით მხოლოდ 2013 წლის შემდეგ შემცირდება, თუმცა კონკრეტული ვადა მაინც არ სახელდება. არადა, 2009 წლის ცვლილებებით, 2012 წელს საშემოსავლო გადასახადი უკვე 15% უნდა ყოფილიყო. აღსანიშნავია, რომ გადასახადებიდან დღგ-ს შემდეგ ბიუჯეტში ყველაზე მეტი ფული სწორედ საშემოსავლო გადასახადიდან შედის.

    ელზა წიკლაური
    15.05.2012

    საერთაშორისო სავალუტო ფონდის მონაცემებით, 2011 წელს საქართველოს სახელმწიფოს საგარეო ვალმა 5,1 მლრდ დოლარი შეადგინა, აზერბაიჯანის - 7,3 მლრდ დოლარი, სომხეთის კი სულ რაღაც 4,2 მლრდ დოლარი. მიუხედავად ამისა, ვალის მოცულობა მთლიან შიგა პროდუქტთან მიმართებაში ყველაზე მცირე - 8% - აზეირბაიჯანს აქვს, 39,7%-ით მეორეა ადგილზეა საქართველო, სომხეთის სახელმწიფო საგარეო ვალი მშპ-სთან მიმართებაში კი 49%-ს აღწევს.

    ელზა წიკლაური
    15.05.2012

    სტიქიური მოვლენების გამო ყოველწლიურად საქართველო სასოფლო-სამეურნეო მოსავლის 35-40%-ს კარგავს - ამბობს ექსპერტი სოფლის მეურნეობი საკითხებში პაატა კოღუაშვილის და ამის მთავარ მიზეზად ეროზირებულ ნიადაგს ასახელებს, რომლის კვლევაც ბოლო წლების განმავლობაში, პრაქტიკულად, აღარ ჩატარებულა. ეროზირებული ნიადაგის ჩარეცხვა კი ჭარბი რაოდენობით ნალექის მოსვლის შემთხვევაში უპრობლემოდ ხდება.

    მაკა ხარაზიშვილი
    15.05.2012

    20%-იანი კრედიტი, მაღალი გადასახადები, მკაცრი საგადასახადო ადმინისტრირება, უსამართლო სასამართლო, მონოპოლია - ექსპერტების განცხადებით, საქართველოში მცირე და საშუალო ბიზნესი ვერ ხარობს. მთავრობის "იაფიანი კრედიტის" პროგრამით ძირითადად ავანტიურისტებმა ისარგებლეს, მერიის პროგრამა "1000 ახალი ჯიხური" მსხვილ ბიზნესმენებს შერჩათ ხელში. ფაქტობრივად, ქვეყანაში, მცირე და საშუალო ბიზნესის განვითარებისთვის, რომელმაც საშუალო ფენა უნდა შექმნას, არანაირი ხელშეწყობა არსებობს.

    მარიამ ხიდაშელი
    15.05.2012

    შადრევნების, ცათამბჯენებისა და თავისუფალი ინდუსტრიული ზონების მშენებლობის შემდეგ ხელისუფლებაში ახალი იდეა გაჩნდა - მეტალურგიული ქარხნები. მთავრობის წარმომადგენლების განცხადებით, ფოთსა და სენაკში მეტალურგიული ქარხნები შენდება, საქმდება ასეულობით ადამიანი და იდება მილიონობით ინვესტიცია. ადგილობრივმა მოსახლეობამ კი მშენებლობის კვალს ვერ მიაგნო. დღეს, საქართველოში ორი მეტალურგიული ქარხანა ახერხებს არსებობას, დაბალი წარმადობის, დიდი სკანდალებისა და დასაქმებულების ექსპლოატაციის ხარჯზე.

    თეონა ჭიტაძე
    14.05.2012

    საქართველოში კრედიტებზე საპროცენტო განაკვეთის ზრდის ტენდენცია იკვეთება. ბოლო ერთი წლის განმავლობაში ბანკების მიერ გაცემული სესხების სახეობებზე დადგენილი საშუალო საბაზრო საპროცენტო განაკვეთი 0,3%-დან 3,6%-მდე გაიზარდა. 2012 წლის მარტის მონაცემებით, საპროცენტო განაკვეთი ძირითადად უცხოურ ვალუტაში გაცემულ კრედიტებზე გაიზარდა. ხოლო ეროვნულ ვალუტაში გაცემულ სესხებზე საპროცენტო განაკვეთის ზრდა უმნიშვნელო იყო.

    მაკა ხარაზიშვილი
    12.05.2012

     ახალგაზრდა იურისტთა ასოციაციამ თბილისის მერიაში საბიუჯეტო თანხების ფლანგვის გამაოგნებელი ფაქტები გამოიკვლია. არ არის გამორიცხული, რომ ამ კვლევის შემდეგ თბილისის მერის, გიგი უგულავასა და სხვა თანამდებობის პირების პასუხისმგებობის საკითხი დადგეს. თბილისის მთავრობის მიერ დაფუძნებული ფონდების მიერ ათეულობით მილიონი ლარი გაურკვეველი მიზნებისთვის გაიფლანგა. არ არსებობს ღია და ხელმისაწვდომი ინფორმაცია იმის შესახებ, თუ როგორ და კონკრეტულად რაში იხარჯებოდა სახელმწიფო და თვითმმართველი ერთეულის საბიუჯეტო სახსრებიდან მიღებული თანხა.


    Copyright © 2006-2018 by Resonance ltd. . All rights reserved