რეზონანსი
01.10.2020

მართლაც საოცარი ცინიზმია, როდესაც მრავალი სიმხეცით გადაგვარებული, მაგრამ ამავდროულად საკმაოდ ცბიერი პოლიტიკური გუნდი აბსოლუტურად უცვლელი შემადგენლობით, მოურიდებლად ცდილობს კვლავაც მოატყუოს ხალხი და დაიბრუნოს შეუზღუდავი ძალაუფლება, რათა ახლა უკვე გაორმაგებული ძალისხმევით პერსონალურად იძიოს შური ყველა იმ პატრიოტ ადამიანზე, ვინც 2012 წლის ოქტომბერში თავისი წვლილი შეიტანა მათი ძალადობრივი მმართველობის დასრულებაში, - ამის შესახებ პარტია „ქართული ოცნების“ თავმჯდომარემ ბიძინა ივანიშვილმა პარტიის საარჩევნო პროგრამის წარდგენაზე განაცხადა.

მისივე თქმით, ქართველებმა „ქართულ ოცნებასთან“ ერთად დაუნდობელი და სასტიკი რეჟიმის დამარცხება შეძლეს.

„მტკიცედ მჯერა, რომ მრავალსაუკუნოვანი ისტორიის მანძილზე უამრავ დამპყრობელთან შეუდრეკელი ბრძოლის შედეგად გამომუშავებულმა გენეტიკურმა გამძლეობამ შეაძლებინა ჩვენს უშიშარ ხალხს გაერთიანებულიყო და „ქართულ ოცნებასთან“ ერთად დაემარცხებინა რეჟიმი, რომელის მოხდურ მტერზე არანაკლებ დაუნდობლად და სასტიკად ექცეოდა საკუთარ საზოგადოებას“, - განაცხადა ივანიშვილმა.

ამასთან, პარტიის თავმჯდომარემ განაცხადა, რომ „ნაციონალური მოძრაობას“ ძალიან დაბალი წარმოდგენა აქვს ქართულ საზოგადოებაზე და ფიქრობენ, რომ მარტივად მოახერხებენ მათი ემოციებით მანიპულირებას.

„ბოლო კვირების განმავლობაში ჩვენ მოვისმინეთ სინანულისა და თეატრალური თვალთმაქცობის სამარცხვინო მაგალითები, რაც კიდევ ერთხელ ადასტურებს, რომ მათ სინამდვილეში ძალიან დაბალი წარმოდგენა აქვთ ქართულ საზოგადოებაზე და ფიქრობენ, რომ მარტივად და იოლად მოახერხებენ ხალხის ემოციებით და გრძნობებით მანიპულირებას. სწორედ ამიტომ ფუნდამენტურად წარმოუდგენელია ჩვენი ხალხის, მისი კულტურის, ტრადიციებისა და სოფლმხედველობისა და „ნაციონალური მოძრაობის“ მმართველობის თანაარსებობა. ჩვენი მეხსიერებიდან ვერავინ წაშლის უამრავი უდანაშაულოდ მოკლული ახალგაზრდის და დემონსტრაციულად დახვრეტილი ადამიანების სახეებს. ჩვენ არასდროს დაგვავიწყდება წლები, როდესაც ადამიანების ღირსების ფეხქვეშ გათელვა, მათი აბუჩად აგდება, დაშინება, უსაფუძვლოდ ციხეებში გამოკეტვა, ულმობელი წამება და დასახიჩრება, ბიზნესის დაწიოკება და საკუთრების წართმევა ცხოვრების ჩვეულებრივ ნორმად ქცეული მოვლენა იყო. ჩვენ ყოველთვის გვემახსოვრება ქართული ტრადიციული ცხოვრების გაუკუღმართების, ჩვენი კულტურული თვითმყოფადობის წაშლისა და საქართველოს ისტორიის თავიდან გადაწერის ავადმყოფური წყურვილი. ოჯახის ფენომენზე გააფთრებული იერიშის, ქართული სახელმწიფოებრიობის ერთ-ერთი საყრდენის საქართველოს მართლმადიდებელი ეკლესიის შევიწროებისა და დაქსაქსვის გამუდმებული მცდელობები“, - განაცხადა ბიძინა ივანიშვილმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (3)
ჩაწერა სახელი
მედეა   (02.10.2020)
ვინც ბაქიბუქობს და ყოველდღე გვამუნათებს კი ვხედავთ, მოქ., ეს კაცი წელიწადში 2-3 ჯერ გვენახვება, ხოლმე, სხვა დროს ჩუმადაა და თავს შესანიშნავად გრძნობს! ეროვნული ვალუტასაც ეშველება, საქართველოს გამთლიანებასაც და სიღარიბესაც--- როცა ერთმანეთის მ ტ რ ო ბ ა ს მოვიშლით, ბედს დავემორჩილებით და სახელმწიფოს ინტერესებს დავაყენებთ ყველაფერზე მაღლა!

მოქ.   (02.10.2020)
ენას ძვალი არა აქვსო, მერამდენე წელია ბაქიბუქობს ეს კაცი, ქვეყანა გააკოტრა, ერონული ვალუტა ორჯერ გააუფასურა, მნიშვნელოვანი პროექტები წყალში გადაყარა, საზოგადოებაში ნიჰილიზმი, უპერსპექტივობა დანერგა და ცდილობს თავისი უსუსურობა სხვას გადააბრალოს... აბა შენ დაუკარ საქართველო!!!

ჭორლეონე   (01.10.2020)
შე სირო, ჯობია პოლიტიკური საფლავი გაითხარე.


Copyright © 2006-2020 by Resonance ltd. . All rights reserved
×