რეზონანსი
19.10.2020

თომა მოციქულის ხსენების დღეს, 19 ოქტომბერს სიონის საკათედრო ტაძარში წმინდა მოციქულის თავის ქალის ნაწილს გამოაბრძანებენ.

„19 ოქტომბერს, თომა მოციქულის ხსენების დღეს, სიონის საკათედრო ტაძარში წირვას ჩაატარებენ მღვდელმთავრები და გამობრძანებული იქნება წმინდა თომა მოციქულის თავის ქალის ის ნაწილი, რომელიც სიონის ეკლესიაშია დაცული.

მთელი დღის განმავლობაში (22.00 საათამდე) მრევლს შესაძლებლობა ექნება ემთხვიოს ამ სიწმინდეს.

წმინდა თომა მოციქულის ლოცვითა და მეოხებით, ღმერთმა დალოცოს სრულიად საქართველო“, – ნათქვამია საპატრიარქოს განცხადებაში.

წმიდა მოციქული თომა, მარჩბივად (ტყუპისცალად) წოდებული, უფლის 12 მოციქულთაგან ერთ-ერთი იყო. იგი გალილეაში დაიბადა. წმინდა მოციქულმა უფლის სიტყვა ინდოეთში იქადაგა, სადაც უამრავი ადამიანი ჭეშმარიტ სარწმუნეობაზე მოაქცია და სასწაულები აღავლინა.

წმინდა თომა მოციქული ქალამიდიის მეფის მუზდის ბრძანებით შუბებით განგმირეს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×