რეზონანსი
09.12.2021

საქართველოს სახელმწიფო საზღვრის უკანონო კვეთის საქმე და ექსპრეზიდენტ მიხეილ სააკაშვილის კიდევ ერთი ბრალი - თბილისის საქალაქო სასამართლო მსჯელობას იწყებს, თუმცა, ამჯერად ყოფილი პრეზიდენტის გარეშე. ბრალდებული და მსჯავრდებული სააკაშილი პროცესს საკუთარი სურვილით აცდენს.

ბრალდების მხარე ირწმუნება, რომ მათ ყველა საჭირო მტკიცებულება აქვთ ამ ბრალდების დამტკიცებისთვის, ასევე, შესწავლილი აქვთ ყველა გარემოება, თუ როგორ მოახერხა ექსპრეზიდენტმა სახელმწიფო საზღვრის უკანონო კვეთა. პროკურორმა აღნიშნა, რომ ჩანაფიქრის განხორციელებისთვის, სააკაშვილს ეხმარებოდა წინა ხელისუფლების ყოფილი მაღალჩინოსანი ძალოვანი სტრუქტურიდან.

"იმდენად მყარად არის აღნიშნული მტკიცებულებები, რომ ბრალდების მხარეს მიაჩნია, რომ დაცვის მხარეს თუ ეყოფა გონივრულობა, უდაოდ უნდა გახადოს აღნიშნული მტკიცებულებები. ფაქტი ერთია - ბრალდებული მიხეილ სააკაშვილი არ შემოსულა ოფიციალურად სახელმწიფო საზღვარზე და ის იმყოფება საქართველოში.

რაც შეეხება იმ საკითხს, თუ რამდენად დგინდება, საიდან წამოვიდა და რა მიმართულებით, საპროცესო და საგამოძიებო მოქმედებების შედეგად დეტალურად არის დადგენილი, მათ შორის, უკრაინის სახელმწიფო ტერიტორიაზე ვინ ეხმარებოდა - ეს იყო წინა ხელისუფლების ყოფილი მაღალჩინოსანი ძალოვანი სტრუქტურიდან, რომელიც ეხმარებოდა ბრალდებულ მიხეილ სააკაშვილს სახელმწიფო საზღვრის უკანონო გადმოკვეთის საკითხში,"- აცხადებს პროკურორი ლევან ვეფხვაძე.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×