„გვაქვს მოლოდინი, რომ მივიღოთ პასუხები თუნდაც ელჩისგან და არ გვჭირდება მაღალ დონეზე აწევა, რომ ის ემიჯნება ბაკურიანის შეხვედრასა და იმ განცხადებებს, რომელიც კეთდება საქართველოში ომის მხარდასაჭერად. ჩვენ გვაქვს მოლოდინი კიდევ ერთხელ არა მხოლოდ ელჩის, არამედ ბატონი ბიძინა ივანიშვილისგანაც, რომ მკაფიოდ დაადასტურებენ, რომ შეხვედრა არ შემდგარა უკრაინაში ომის დაწყების შემდეგ ელჩსა და ბიძინა ივანიშვილს შორის. და თუ ეს შეხვედრა იყო, მაშინ თქვან რაზე იყო იქ ლაპარაკი. გასაგებია, რომ ბიძინა ივანიშვილი არის წასული პოლიტიკიდან, მაგრამ როდესაც აქ იქმნება ასეთი ვითარება, რომ არსებობს ეჭვი იყო თუ არა ეს შეხვედრა, როდესაც ხდება არაფორმალური სანქციები, რაც უკავშირდება მისი ფულის არ გადმორიცხვას, ნახატების გადატანის დაბლოკვას და ა.შ. ხომ არ არის ეს გარკვეული ზეწოლა, რომ ის დაბრუნდეს პოლიტიკაში?! ამ კითხვაზე ჩვენ გვჭირდება პასუხი და ეს პასუხები ვერ მოვისმინეთ ნედ პრაისისგან. როდესაც ნედ პრაისი ამბობს, რომ მხარს უჭერენ ელჩს და არსებულ კითხვებზე არ გვაქვს პასუხი, კიდევ უფრო მძიმე განცდა ჩნდება საზოგადოებაში, რომ ძალიან ხშირად, როდესაც ელჩი დუმს, ეს არ არის მხოლოდ მისი პოზიცია",- განაცხადა სოზარ სუბარმა.