ბატონი სააკაშვილის წასვლა-არწასვლა მაინცდამაინც დიდ გავლენას, ნაკვალევს ვერ დაამჩნევს ქართულ პოლიტიკას და ჩემი აზრით, ეს არის ყველასთვის თვალსაჩინო და გასაგები, - ამის შესახებ საპარლამენტო უმრავლესობის წევრმა, მიხეილ სარჯველაძემ განაცხადა.

„სხვა წარმოდგენა ჰქონდა, როცა ჩამოდიოდა საქართველოში და რეალურად ვითარება სრულიად განსხვავებული დახვდა, ამაშია ზუსტად მისი პრობლემა. პოლიტიკაში სამომავლოდ მონაწილეობის სურვილი ექნება თუ არა, ეს კავშირში არ არის საპატიმრო უფლებების განხორციელებასთან. პარტიაში, რომელსაც აქვს მსხვილი წარუმატებლობები, რასაკვირველია რომ მსგავსი დისონანსები მოსალოდნელია", - ამბობს სარჯველაძე.