როგორც ჩანს წერილების წერაში მოგვბაძეს, უმჯობესი იყო მათ კითხვებზე პასუხის მოთხოვნაში მოებაძათ, - ასე შეაფასა 48 ოპოზიციონერი დეპუტატის ერთობლივი განცხადება დამოუკიდებელმა დეპუტატმა, დიმიტრი ხუნდაძემ.

„კითხვების დასმა ანტიდასავლური რატომაა ჩემთვის გაუგებარია, გამომდინარე აქედან, რომ კითხვებს დასავლეთში სვამენ. ეს არის პოლიტიკური კეკლუცი და თავის წარმოჩინება, რომ, ესენი არიან დასავლეთელები და ჩვენ ანტიდასავლური კამპანიის მწარმოებლები", - განაცხადა დიმიტრი ხუნდაძემ.

48 ოპოზიციონერი დეპუტატი ერთობლივ განცხადებას ავრცელებს და მოუწოდებს „ქართულ ოცნებას", დაუყოვნებლივ შეწყვიტოს საქართველოს სტრატეგიული პარტნიორების - აშშ-ისა და ევროკავშირის წინააღმდეგ წარმოებული ცილისმწამებლური და დეზინფორმაციული კამპანია.