უკრაინის პრეზიდენტი ვოლოდიმირ ზელენსკი აცხადებს, რომ დარია დუგინას მკვლელობა არ არის უკრაინის პასუხისმგებლობა.

„ეს არ არის ჩვენი პასუხისმგებლობა. ის არ იყო უკრაინის მოქალაქე, ჩვენ მისით დაინტერესებული არ ვართ. ის არ იმყოფება ჩვენს ტერიტორიაზე, არც ოკუპირებულზე“, – განაცხადა ზელენსკიმ.

ალექსანდრ დუგინის შვილი დარია დუგინა რამდენიმე დღის წინ მოსკოვის ოლქთან ავტომობილში ააფეთქეს. რუსეთის უშიშროების ფედერალურმა სამსახურმა განაცხადა, რომ თავდამსხმელი უკრაინელია, რომელიც რუსეთში ივლისში ჩავიდა მცირეწლოვან ქალიშვილთან ერთად.