ავტოსაგზაო შემთხვევა სამეგრელოში. წალენჯიხა-მუხურის გზაზე, სქურის გადასახვევთან ერთმანეთს ორი მსუბუქი ავტომობილი დაეჯახა.

ცნობილია, რომ შემთხვევის შედეგად მსუბუქად დაშავდა 5 ადამიანი. ისინი წალენჯიხის საავადმყოფოში გადაიყვანეს და ექიმების მეთვალყურეობის ქვეშ იმყოფებიან.

ავარიის სავარაუდო მიზეზი კი საგზაო წესების დარღვევა და გადაჭარბებული სიჩქარეა. არსებული ინფორმაციით, მძღოლმა გადმოსახვევთან მომავალი ოპელი გვიან შეამჩნია და საჭის დამორჩიება ვერ შეძლო.

ამ დროისთვის, შემთხვევის ადგილას პოლიციისა და მერიის წარმომადგენლები იმყოფებიან.

"მთავარი არხი"