დღეს მართლმადიდებელი ეკლესია ღვთისმშობლობას აღნიშნავს. ვერაზე მოკლული ნიკო კვარაცხელიას დედა, იზა ომაძე, სოციალურ ქსელში მორიგ პოსტს აქვეყნებს და წერს, რომ დღესასწაული, რომელიც მისთვის ძვირფასი იყო, ტკივილით სავსე ხვდება.
„დედაღვთისა ხვალ დაბადების დღე გაქვს, ვკადნიერდები და ასე მოგმართავ ჩემთვის ეს დღე, ძვირფასი მაგრამ გაუსაძლისად ტკივილიანია, ჩემი ნიკოს მიწის წიაღში შერწყმის დღეა, აი ძალიან მტკივა! მივიღე გამოწვევა უფლისგან? ალბათ! იქნებ ეშმაკისგან? ვერ ამოვხსენი! ვუმკლავდები ჩემს გაუსაძლის ტკივილს, მაგრამ ვერ ვუსწორებ თვალს ტყუილს, რითაც საუკუნეებია გვკვებავს სატანა! როგორ არ მოგილოცო, დედათა შორის უძვირფასესო, ზე დედავ, შვილის წამება ხომ ყველაზე მეტად განგიცდია და დაგითმენია. გილოცავთ ღვთისმშობლობას შეგეწიოთ ამ დღის მადლი❗️ პატივცემულო მოსამართლე, ხვალ დიდი დღესასწაულია, იყავით მართალი ღვთისმშობლის წინაშე, საწყალ ბებიას შეუნარჩუნეთ ღირსება, ირაკლი ბიბილეიშვილს აქვს თავისი წილი დანაშაული ნიკო კვარაცხელიას საქმეში ისე როგორც სხვა ჯერ კიდევ ქუჩაში მოსეირნეებს❗️ ამიტომ გონივრულად და სამართლიანად იმოქმედეთ. მათი ბრალეულობა მე მათივე ჩვენებებიდან გავიგე, რომელიც აბსოლუტურად ურთიერთგამომრიცხავია და ისინი უკვე ერთმანეთისთვისაც საშიშნი არიან! ნუ დაგვიმძიმებთ ხვალინდელ დღეს!!!“,- წერს იზა ომაძე.