არსებობს თუ არა თანამზრახველი? - გამოძიება ყველა მიმართულებით მუშაობს. ჯერჯერობით უცნობია აღნიშნული პირის ვინაობა. თუმცა, ადგილობრივების თქმით, ნარსიას სახლში სტუმარი იმყოფებოდა.

ბანკზე თავდამსხმელს ბრალს ოფიციალურად სავარაუდოდ, დღეს წაუყენებენ. გრიგოლ ნარსია უკვე მოინახულეს ადვოკატებმა. ტერორიზმში ბრალდებულს ხუთი იურისტი იცავს.

მათი თქმით, ბანკში შეჭრის მოტივად დაკავებული შვილის ჯანმრთელობის მდგომარეობას ასახელებს.

"მან გამიმეორა მოტივი ბავშვის ჯანმრთელობის მდგომარეობა. გულის მანკით არის 6 თვიდან დაავადებული. ჟვანიას კლინიკაში გადიოდა რეაბილიტაციურ მკურნალობას. ამისთვის არ ჰქონდა თანხა. მძევლების აყვანა გამიზნული ნამდვილად არ მქონდაო. როცა შევედი მე ბანკში გასროლა მოვახერხე და რაც ჰქონდათ სალაროსთან იმ თანხის წაღება მინდოდა და წასვლა მინდოდაო. ასაფეთქებელი მოწყობილობა ნამდვილად არ ყოფილა, ის იყო ბუტაფორია. აღწერა კიდეც რა შემადგენლობა იყო შიგნით," - აღნიშნა ადვოკატმა ციცი ბაბუნაშვილმა.

წყარო: „რუსთავი 2“