კულტურის სამინისტრო სამეცნიერო ღირებულების მქონე დაკარგული კბილის შესახებ განაცხადებას ავრცელებს. უწყების ინფორმაციით, ოროზმანში აღმოჩენილი უძველესი კბილი საქართველოს ეროვნულ მუზეუმს ჩაბარდა.
"1 ივლისს, საქართველოს კულტურული მემკვიდრეობის დაცვის ეროვნულმა სააგენტომ გასცა ნებართვა ოროზმანში არქეოლოგიური გათხრების განხორციელების თაობაზე.
თუმცა, 20 სექტემბრამდე, არც სააგენტოს და არც საქართველოს ეროვნულ მუზეუმს არავითარი ოფიციალური ცნობა არ მიუღია გათხრების მიმდინარეობის ან მათი შედეგების შესახებ. ვინაიდან ცნობილი იყო ოროზმანში მნიშვნელოვანი აღმოჩენის შესახებ და ჩაითვალა, რომ არსებობდა მასალის დაკარგვის რისკი, სააგენტომ, ვითარების შესახებ შეატყობინა გენერალურ ინსპექციას.
20 სექტემბერს, გენერალური ინსპექციის მიერ თბილისში, საქართველოს ეროვნული მუზეუმის შენობაში, გამოკითხულ იქნა ექსპედიციის ერთ-ერთი წევრი (მუზეუმის მოქმედი თანამშრომელი), რომელმაც აღიარა, რომ უძველესი ადამიანის კბილი ოროზმანიდან იქნა წამოღებული ისე, რომ არავითარი დოკუმენტი ამის შესახებ არ გაფორმებულა, მასალა მუზეუმში წარმოდგენილი არ ყოფილა და ის მას ჰქონდა წაღებული სახლში, სადაც ინახავდა ტანსაცმლის კარადაში საკუთარი ინიციატივით, რადგან „ნივთს ჰქონდა სამეცნიერო ღირებულება". (კბილი), დალუქულ მდგომარეობაში და კანონით დადგენილი წესით, 20 სექტემბერს ჩაბარდა საქართველოს ეროვნულ მუზეუმს. მოცემულ საკითხთან დაკავშირებით მიმდინარეობს მასალების მომზადება პროკურატურაში გადასაგზავნად,"- ნათქვამია განცხადებაში.