ცოტა ხნის წინ ნიკოლოზ ბასილაშვილის სასამართლო პროცესი არასრულწლოვანი შვილის ინტერესებიდან გამომდინარე დაიხურა. მანამდე კი ადვოკატის კითხვებს ვიდეოჩანაწერთან დაკავშირებით ნელი დოროყაშვილი პასუხობდა.

საუბარია 2018 წლის ჩანაწერზე, რომელიც დოროყაშვილის მხარემ წარმოადგინა. სწორედ ამ ჩანაწერით ამტკიცებს ბასილაშვილის ყოფილი მეუღლე, რომ მასზე ძალადობდნენ.

ამ ჩვენებას ეჭვქვეშ აყენებს დაცვის მხარე. ადვოკატებს აინტერესებდათ, რატომ ვერ მოახერხა ნელი დოროყაშვილმა ფაქტობრივი გარემოებებისა და სავარაუდო ძალადობის ფაქტის ვიდეოჩანაწერში სრულად ან უწყვეტ რეჟიმში ასახვა.