რომის პაპმა ფრანცისკემ რუსეთის მიერ უკრაინელი ხალხის დაუნდობელი დაბომბვა დაგმო. ინფორმაციას ამის შესახებ ტელეკომპანია CNN-ი ავრცელებს.

„ამ დღეებში ჩემი გული უკრაინელი ხალხისკენ არის მიმართული, განსაკუთრებით იმ ადგილების მაცხოვრებლებისკენ, სადაც დაუნდობელი დაბომბვები იყო", - აღნიშნა რომის პაპმა.

„მათ ტკივილს ჩემში ვატარებ. დაე, ძალადობის ქარიშხალი შეწყდეს და მშვიდობა აღდგეს", - განაცხადა მან.

რომის პაპმა კომენტარი მას შემდეგ გააკეთა, რაც რუსეთმა სამშაბათს სარაკეტო დარტყმები განახორციელა უკრაინის რამდენიმე რეგიონზე.