ბევრმა ფაქტორმა განაპირობა, რომ დღეს ჩემი აზრით ევროპას არჩევანიც არ აქვს, რომ აქ, საკუთარი სტრატეგიული პარტნიორი, როგორიც არის საქართველო, ის მიატოვოს, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ „ქრონიკაში“ განაცხადა.

„ეს იქნება თვითონ ევროპისთვის დიდი შეცდომა და თვითონ ევროპისთვისვე ძალიან დიდი ნეგატიური ფაქტორი. ამიტომ, ამას ძალიან კარგად აანალიზებს თვითონ ევროპა და მას უბრალოდ არჩევანი არ აქვს იმდენად ცხადია და მათვე ინტერესში შედის, რომ გაფართოება უნდა შედგეს და გაფართოება შედგეს ამიერკავკასიაში“, - განაცხადა მიხეილ სარჯველაძემ.