უკრაინაში მებრძოლი ქართველი ნადიმ ხმალაძე აცხადებს, რომ 3 დეკემბერს ბახმუტში დაღუპული 5 ქართველის ცხედრების გადმოსვენება ამ დრომდე ვერ ხერხდება.

მისი თქმით, ცხედრების გამოყვანას, ბახმუტში მიმდინარე მძიმე ბრძოლები უშლის ხელს.

„შეუძლებელია შესვლა, რუსებთან მოლაპარაკება მით უმეტეს ქართველებთან დაკავშირებით, ამიტომ ვერაფერს გეტყვით. ძალიან მძიმე მდგომარეობაა, მაგრამ უკრაინული მხარე აკეთებს ყველაფერს, ეს ბიჭები გადმოასვენონ ჩვენს კონტროლირებად ტერიტორიაზე.

რუსეთს რესურსი ეწურება. სტრატეგიაც ეგ არის უკრაინის, რომ რუსეთს რაც შეიძლება მეტი ჭურვი და რაკეტა დაახარჯვინოს", - აცხადებს ნადიმ ხმალაძე.

"დაიჯესტი"