წალენჯიხის სოფელ მუჟავაში ახალგაზრდა კაცი დააკავეს. არსებული ინფორმაციით, მან ასაკოვანი მამა სცემა და სასიკვდილო დაზიანებები მიაყენა.

ადგილობრივების თქმით, მოხუცს დაზიანებები ბლაგვი საგნითაც ჰქონდა მიყენებული, ის საავადმყოფოში მიყვანიდან მალევე გარდაიცვალა. შემთხვევა გუშინ მოხდა. მანამდე პოლიციას ექიმებმა თავად მიმართეს და ფიზიკური ძალადობის ნიშნების არსებობის შესახებ შეატყობინეს.

შსს-ს ცნობით, გამოძიება მომხდარზე 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. დაკავებულს ბრალი უკვე წარუდგინეს.

წყარო: "მთავარი არხი"