ზუგდიდში მომხდარ ავარიას ახალგაზრდა ქალი ემსხვერპლა. როგორც ცნობილი გახდა, გარდაცვლილი ნატა ბერულავაა.

შემთხვევა ცოტა ხნის წინ, კოსტავას ქუჩაზე მოხდა. მსუბუქი მანქანა ქვეითად მოსიარულე ორ ადამიანს დაეჯახა. ერთ-ერთი მათგანი, ნატა ბერულავა, ადგილზე დაიღუპა, მეორე დაშავებული კი სასწრაფო დახმარების ბრიგადამ საავადმყოფოში გადაიყვანა. გავრცელებული ცნობით, მას ფეხები აქვს მოტეხილი.

ცნობისთვის, დაღუპული და დაშავებული ნათესავები არიან. ქალები მაღაზიაში მუშაობდნენ და ავტოსაგზაო შემთხვევა იმ დროს მოხდა, როდესაც სამუშაო საათების დასრულების შემდეგ, სახლში ბრუნდებოდნენ.

წყარო: "მეტრონომი"