ქვეყნის მასშტაბით გამოდარებას 15 იანვრიდან უნდა ველოდოთ. მანამდე, სინოპტიკოსების პროგნოზით, აღმოსავლეთ საქართველოში კვლავ ძლიერ თოვას, დასავლეთში კი ქარს ვარაუდობენ.

ნისლის, ქარბუქისა და ხილვადობის გაუარესების გამო შეზღუდვები კვალვ მოქმედებს გუდაური-კობის გზის მონაკვეთზე. ნიჩბისი-დიდგორი-დიდი თონეთის გზაზე აკრძალულია ყველა სახის ავტოტრანსპორტის მოძრაობა; ამასთან, შეზღუდულია მისაბმელიანი და ნახევრადმისაბმელიანი ავტოტრანსპორტის მოძრაობა გომი-საჩხერე-ჭიათურა-ზესტაფონის მონაკვეთზე, ხოლო დანარჩენი სახის ავტოტრანსპორტის გადაადგილება თავისუფალია.

რაც შეეხება დღევანდელი ამინდის პროგნოზს:

12 იანვარს ქუთაისში +6 გრადუსი და უნალექო დღეა მოსალოდნელი, ღამით კი +3 გრადუსი იქნება.

ბათუმში დღისით ჰაერი +13 გრადუსამდე გათბება, ღამით კი +4 გრადუსი დაფიქსირდება.

ზუგდიდში დღისით ტემპერატურა +11 გრადუსს მიაღწევს, მოსალოდნელია უნალექო დღე, ღამით კი +5 გრადუსია ნავარაუდევი.

გორში +2 გრადუსი და თოვლია მოსალოდნელი, ღამის განმავლობაში კი -4 გრადუსი დაფიქსირდება. 

თელავში დღისით -2 გრადუსი დაფიქსირდება, ღამით კი -7 გრადუსია ნავარაუდევი. მოთოვს.

რუსთავში 0 გრადუსი და თოვლიანი დღეა მოსალოდნელი, ღამით კი -3 გრადუსი დაფიქსირდება.

თბილისშიც თოვლია მოსალოდნელი. ჰაერის ტემპერატურა დღისით 0 გრადუსს მიაღწევს, ღამით კი -4 გრადუსია მოსალოდნელი.